HATAW! D'yaryo ng Bayan hatawtabloid.com
KALIWA’T KANAN ngayon ang pinagkakaabalahan ng beauty queen na si Ms. Faye Tangonan. Kailan lang ay lumabas siya sa It’s Showtime, nauna rito, binigyan siya ng parangal sa Philippine Empowered Men and Women of the Year 2019 na ginanap last March 13, sa Music Museum.
Mula sa pagiging Ms. Universe International 2018, si Ms Faye ay sumabak na rin sa pagiging artista. Isa siya sa tampok sa indie movie na Bakit Nasa Huli Ang Simula starring William Martinez, Lance Raymundo, Jay-R Ramos, Lester Paul Recirdo, Maverick Garcia, at Noa Hyun, mula sa direksiyon ni Romm Burlat.
“I’m so thrilled, kahit mainstream or indie film, kahit parang awkward sa akin, itinuturing ko itong isang blessing. I’m kinda nervous din, pero parang laro lang,” nakatawang saad niya.
Tuloy-tuloy na ba ang pagsabak niya sa showbiz. “I’m not so sure, but I’ll be playing the female lead actress in the movie. Ang start nito ay this week at ang story ng movie is about human trafficking, this is an advocacy film.”
Nabanggit niya si Coco Martin bilang isa sa hinahangaan sa showbiz. “Isa na rito si Coco Martin, kung may chance ko siyang makatrabaho… hahaha! Kasi magaling siya and my dad, they always watch iyong FPJ’s Ang Probinsyano. Plus, iyong mga hinahangaan ko rin ‘yung mga batikang artista like Nora (Aunor), Vilma (Santos), at Sharon (Cuneta), they’re all good.”
Si Faye ay isang humanitarian, businesswoman, at multi-awarded international beauty queen, na ngayon ay nag-aartista na rin.
As a beauty queen, mayroon siyang advocacy na tumulong sa mga less fortunate na tao sa US, lalo sa Filipinas. “I actually launched my own foundation with Miss Universe International Youth Foundation by Faye Tangonan which focuses on helping the less fortunate children. My goal is to create a better world with compassion, grace, and humanity,” saad ni Ms. Faye.
ALAM MO NA!
ni Nonie Nicasio
