Ms. Boots, inayawan ng ina ng unang naging BF

NAGULAT ang lahat. May magandang istorya sa kanyang nakaraang buhay pag-ibig na naibahagi ang beteranang aktres na si Ms. Boots Anson Roa na bahagi ng pelikulang Dito Lang Ako kasama si Freddie Webb at ang mga bagets na sina Michelle Vito, Akihiro Blanco, at Jon Lucas, na hatid ng Blade Entertainment.

Dahil nga may elemento ng ikatlo sa relasyon ang sangkap ng pelikula, tinanong ang mga artista kung may nangyari na ba sa kanila na ganoong scenario in their lovelife.

Mayroon kay tita Boots. During her college days. Bago naging sila ng nakasama niya sa mahabang panahong si Pete Roa. Pete rin ang pangalan. Pero hindi siya gusto ng pamilya. At ang pumapel na third wheel nila na kaibigan ng boyfriend niya ang ipinakilala sa pamilya na syota niya. Kaya alam niyo na ang ending. Sila ang nagkatuluyan.

Walang closure. Iniwan sa ere si tita Boots. Pero biniyayaan siya ng isang lalaking bumuo ng kanilang pamilya.

Wait! There’s more, eh!

When they were at the airport in the US,  itinabi muna niya ang naka-wheelchair na mister sa iba pang naghihintay na makuha ang mga maleta nila sa conveyor. Pagbalik ni tita Boots, nakilala siya ng katabi ni Pete, na naka-wheelchair din. Ang nanay ng una niyang Pete. Na kumausap at humingi ng tawad sa kanya.

Pang-MMK ang hugot ni tita Boots! Nagkaroon ng closure at doon din lang niya nasabi ito sa asawa.

Ngayon, ang linya namang Dito Lang Ako ay madalas niyang sinasambit sa kanyang makakasama na sa buhay na si Atty. Rodrigo.

Ang galing ‘no! Sa August 8, 2018. Tungkol naman sa pagmamahalang hinintay ang matutunghayan.

HARD TALK!
Pilar Mateo