Female star, abot-langit ang galit sa malanding film producer

NAKU Tita Maricris, ito ay isang matinding kuwento na talagang totoo.

May nakakuwentuhan kaming isang female star, na halos maiyak sa matinding galit habang ikinukuwento ang pangyayari sa kanyang buhay five years ago. Mayroon daw siyang boyfriend na isang executive sa isang learning institution. Talagang nakatakda na silang magpakasal dahil nakuha na rin niya ang annulment mula sa kanyang earlier marriage. Pero ang masakit, nahuli niya ang kanyang boyfriend sa isang restaurant grille sa likod ng isang network na kalampungan ang isang malanding film producer. Hindi naman daw siya nag-eskandalo. Ni walang nangyaring confrontation sa kanila. Basta tumalikod siya dahil ”ako ang talagang may pinag-aralan, hindi siya gaya ng sinasabi niya ngayon.” 

Pero natawa naman siya nang sabihin niyang ang dati niyang boyfriend na sinulot sa kanya ng malanding film producer ay naloko rin. ”Isipin mo pinagsabay niya ang ex ko at isang director na kilala ko. Pareho niyang syota. Pareho niyang hinuthutan, dahil ang totoo gold digger iyang babaeng iyan eh. Actually hanggang ngayon, galit din si direk sa kanya. Makausap mo lang si direk marami ka pang malalaman,” sabi sa amin ng girl na nag-aartista rin sa pelikula at sa telebisyon.

Nang tanungin namin ang girl kung may gusto siyang ipaabot sa kaaway niya, ang sabi lang niya ay, ”sana magbago na rin siya. Iyong totoong pagbabago dahil napakalandi niya.”

HATAWAN
ni Ed de Leon