Australiano 2 beses nanalo sa lotto sa isang linggo

HINDI hindi makapaniwala ang isang lalaki mula Sydney, Australia nang mabatid ni­yang nanalo siya sa lotto sa ikalawang pagkakataon, wala pang isang linggo mula nang una siyang manalo.

Ayon sa ulat, unang napanalunan ng 40-anyos lalaki, ang halagang A$1,020,487 o halos P40 milyon noong nakaraang Lunes.

Noong Sabado, napa­na­­lunan naman ng lalaki ang halagang $1,457,834 o halos P57 milyon.

“I just thought this is too good to be true,” sabi ng lalaki sa panayam ng NSW Lotteries nitong Lunes.

“The chances of winning twice in such a short period of time must be non-existent. I wish I had some advice to others on how to win the lottery but I don’t,” dagdag niya.

Balak ng lalaki na gamitin ang bahagi ng kaniyang napanalunan sa real estate sa Sydney, bagong sasakyan, at bakasyon sa Hawaii.

Ayon sa mga taga­pangasiwa ng lotto sa Australia, mahirap tanti­yahin ang posibilidad na ang isang tao ay mananalo ng dalawang beses sa loob ng isang linggo.

“We have had people win twice in their lifetime but not twice in a week. It is very unusual and unique,” ayon kay NSW Lotteries spokesman Matt Hart.

(Agence France-Presse)