HATAW! D'yaryo ng Bayan hatawtabloid.com
NAGPAKITANG gilas ang newbie actor na si Kevin Poblacion sa kanyang effective na performance sa pelikulang Adik. Biggest break ni Kevin ang pelikulang ito ng BJP Film Production at mula sa pamamahala ni Direk Neal Tan. Bida rito si Kevin na gumaganap bilang isang teenager na nalulong sa droga at na-involve sa mga krimen.
Si Kevin ay ipinanganak sa Winnipeg, Manitoba, Canada. Graduate siya ng Tourism and Flight Attendant Course sa Canadian Tourism College sa Vancouver, British Columbia Canada. Ang mga magulang niya ay sina Bernardo Poblacion at Jean Lopez Poblacion.
Sumailalim sa acting workshop at paghahasa sa pagsasalita ng Tagalog si Kevin para paghandaan ang indie film na Adik. Upang matupad ang pangarap na makapag-artista, nag-enrol siya ng acting workshop kay Direk Ryan Carlos ng Star Magic sa ABS-CBN. Nakuha niya ang certification of completion noong 2015 at nag-enrol na naman sa isang advanced acting workshop sa ABS-CBN sa loob ng anim na buwan.
Ikinuwento ni Kevin kung paano niya pinaghandaan ang papel sa pelikulang ito. ”My extended family are from Iloilo and they live in a very poor parang sa mga bukid, ganoon and I know some family friends that are… they’re in bad stages of their lives and they turned into drugs because that’s all they know. It feels good to them and it’s an escape.
“So, I just observed them like the withdrawals from drugs and the effect to the family,” saad ng 22 year old na actor.
Ayon sa binata, nanood siya ng documentaries ukol sa drug addiction bago niya sinimulan ang paggawa ng pelikula. “The movie make me realize so many things in life. Hopefully we can show it in school around the country and probably internationally,” wika ni Kevin.
Very proud ang mga magulang ni Kevin sa kanyang narating kaya naman sila na mismo ang nagprodyus ng advocacy film na ito. “We are very proud of our son Kevin dahil natupad niya ‘yong pangarap niya na maging isang actor sa Filipinas. Kahit being a Canadian, siya ay Pusong Pinoy at gusto niyang ipakita ang kanyang talento sa pag-act,” saad ni Ms. Jean.
ALAM MO NA! – Nonie V. Nicasio
