Gerald Anderson, masaya sa role sa seryeng Ikaw Lang Ang Iibigin

HAPPY si Gerald Anderson sa TV series nilang Ikaw Lang Ang Iibigin ng ABS CBN. Bukod sa hudyat ito ng pagbabalik-tambalan nina Gerald at Kim Chiu, swak sa tunay na pagkatao ni Gerald ang karakter niya rito bilang isang tri-athlete.

Dito’y gumaganap si Gerald bilang si Gabriel na isang triathlon athlete. Ano ang pagkakahawig nila ng character niya rito bilang si Gabriel?

Saad ni Gerald, “Sobrang magkahawig kami, ang dami naming bagay sa buhay na ganoon din ako sa totoong buhay. Nandiyan yung sakriprisyo at yung tiyaga niya at iyong ginagawa niya for his family, sobrang nakaka-relate ako.”

Sinabi rin ng actor na mai-inlove ang viewers sa mga papel nila sa seryeng ito ng Dos. “Mai-in-love po kayo sa bawat characters, sa bawat kuwento ng mga characters na kasama sa show. Tungkol po siya sa pamilya, sa love story… lahat nandoon, lahat na ng hinahanap ninyo sa teleserye, nandoon.”

Ayon pa kay Gerald, nandoon pa rin naman daw ang chemistry nila at natutuwa siya sa transformation ni Kim bilang isang magandang dilag.

“Hindi siyempre, matagal na rin po yung aming loveteam ni Kim and sa kanya po talaga, sabay kaming nagsimula. And then nagkaron kami ng mga panahon na hindi na kami nagsasama ng ilang years… So yung feeling na nakakasama ko siya ulit tapos parang ibang tao na rin kami…, nag-grow kami as individual. Nandoon yung comfort pero nandoon din po yung adjusting, parang bagong leading lady din. So nakakatuwa, kasi ibang-iba rin siya ngayon and she blossomed into this beautiful woman na talaga.”

Ang Ikaw Lang Ang Iibigin ay nagsimula nang umere last May 1 at ito ay napapanood bago ang It’s Showtime.

ALAM MO NA! – Nonie V. Nicasio