Saturday , May 18 2024
Dead body, feet

2 kelot nakiramay kahapon pinaglalamayan ngayon

PATAY ang dalawang obrero makaraang pagbabarilin ng hindi kilalang suspek habang nakikipaglamay sa nakaburol na kapitbahay sa Caloocan City, kahapon ng madaling araw.

Dead on arrival sa Dr. Jose N. Rodriguez Memorial Hospital ang biktimang kinilalang si Antonio Francisco, Jr., 34 anyos, residente sa Phase 8, Brgy. 176, Bagong Silang sanhi ng tama ng bala sa kanang dibdib.

Binawian din ng buhay habang nilalapatan ng lunas ng mga doktor sa nasabing pagamutan ang kanyang kalugar na si Jay Tee Torres, 29 anyos, dahil sa tama ng bala sa kanang tadyang.

Ayon kay Caloocan City police chief P/Col. Ruben Lacuesta, dakong 4:40 am nang maganap ang pamamaril sa mga biktima sa burol ng isa nilang kapitbahay.

Kasalukuyang nakikipaglamay ang mga biktima nang biglang dumating ang suspek at walang sabi-sabing pinagbabaril sina Francisco, Jr., at Torres.

Mabilis na tumakas ang suspek matapos mamaril patungo sa main road ng Phase 8 ng nasabing lungsod, habang patuloy ang isinasagawang follow- up operations ng mga awtoridad.

Iniutos ni Col. Lacuesta ang pagrebisa sa mga kuha ng CCTV camera sa lugar at sa mga kalsadang dinaanan ng suspek na maaring makatulong para makilala ang suspek habang inaalam ang kanyang motibo. (ROMMEL SALES)

About Rommel Sales

Check Also

DANIEL FERNANDO Bulacan

 Fernando determinadong tuparin ang pangako sa bawas trapiko at ligtas na komunidad

Determinado si Gobernador Daniel R. Fernando na tuparin ang kanyang pangako na bawasan ang trapiko …

4 drug trader tiklo sa Bataan buybust

4 drug trader tiklo sa Bataan buybust

NASAKOTE ng mga ahente ng Philippine Drug Enforcement Agency (PDEA) Bataan Provincial Office ang isang …

Kolektor ng pautang hinoldap sa palengke, binoga ng riding-in-tandem

Kolektor ng pautang hinoldap sa palengke, binoga ng riding-in-tandem

DEAD-ON-THE-SPOT ang isang ginang na sakay ng tricycle matapos holdapin at barilin ng mga lalaking …

dead gun police

Ikinumpisal bago nalagutan ng hininga
MAGKAIBIGAN ITINUMBA NG 4 KAALITAN

BINAWIAN ng buhay ang dalawang lalaki matapos pagbabarilin ng apat na pinaniniwalaang kanilang mga kaalitan …

051724 Hataw Frontpage

Tutol sa adelantadong renewal ng prangkisa
SOLON NAGBABALA MERALCO MATUTULAD SA SMNI NI QUIBOLOY

MULING nadagdagan ang tumututol sa ‘adelantadong’ renewal ng prangkisa ng distribution utility na Manila Electric …