Tuesday , March 21 2023
jeepney

Camanava LGUs, nagbigay ng Libreng Sakay sa commuters

UPANG tiyakin ang kaligtasan at hindi maabala ang commuters sa kanilang pupuntahan sa pagsisimula ng unang araw ng tigil-pasada, agad umalalay at nagbigay ng Libreng Sakay ang mga local government units (LGUs) ng Caloocan, Malabon, Navotas, at Valenzuela.

Sa Caloocan, higit 65 sasakyan ang ipinakalat ng pamahalaang lungsod upang magbigay ng libreng sakay sa iba’t ibang ruta sa buong lungsod, maging ang Caloocan City Police sa pamumuno ni P/Col. Ruben Lacuesta ay nagbigay din ng libreng sakay.

         Ipinag-utos ni Malabon City Mayor Jeannie Sandoval sa PSTMO ang libreng sakay para sa ligtas at maayos na paglalakbay ng mga taga-Malabon na 12 saksakyan ang inihanda para sa mga rutang Sangandaan–Tatawid, Malabon-Bayan-Monumento, Malabon-Acacia-Monumento, at Gasak-Letre.

Sa Navotas, umarangkada ang libreng sakay ng pamahalaang lungsod para sa mga apektadong Navoteño ng tigil-pasada.

“In the instance that the weeklong transport strike push through, we are ready to provide free shuttle services to Navoteños. Our crisis management team have already met and set plans to counter the impact of the activity on our constituents’ work schedules and daily routines,” ani Mayor John Rey Tiangco.

         Maliban aniya sa mga sasakyan ng pamahalaang lungsod, nangako rin ang 18 barangay na gamitin ang kanilang mga service vehicle para magbigay ng libreng sakay sa loob ng Navotas.

Samantala, nagpakalat ang pamahalang lungsod ng Valenzuela sa pamumuno ni Mayor Wes Gatchalian ng mga truck at E-trikes para umalalay at magbigay ng libreng sakay sa mga apektadong commuters sa iba’t ibang lugar sa lungsod.

Maging ang mga pulis sa Camanava sa pamumuno ng Northern Police District (NPD) ay nagbigay din ng libreng sakay para sa mga apektadong commuters. (ROMMEL SALES)

About Rommel Sales

Check Also

Bulacan Police PNP

Kampanya kontra krimen sa Bulacan
11 tulak, 2 wanted, 2 sugarol timbog

SUNOD-SUNOD na pinagdadampot ang 11 hinihinalang drug dealer, siyam na pinaghahanap ng batas, at dalawang …

Derek Ramsay Mr Freeze Gerry Santos

Mr Freeze pinatunayang ayaw na ni Derek sa showbiz: Enjoy siya sa pagiging family man

KINOMPIRMA ng kaibigan ni Derek Ramsay na si Mr Freeze Gerry Santos na ayaw na talaga ng aktor ang …

Arrest Posas Handcuff

Notoryus na gang member tiklo sa droga at boga

NAGING matagumpay ang operasyon ng pulisya nitong Martes, 14 Marso, nang maaresto ang isang notoryus …

Dead body, feet

Bangkay itinapon sa Bulacan
LOLA PINATAY NG SARILING ANAK, KRIMEN NASAKSIHAN NG APO

NATAGPUAN ng isang residente ang bangkay ng isang lola na nakasilid sa isang storage box …

phone text cp

Concert pinasok ng 6 dorobo
31 PARTY-GOERS SINIKWATAN NG CELLPHONE

SUNOD-SUNOD na inaresto ng mga awtoridad ang anim na indibidwal kaugnay ng insidente ng pagnanakaw …