Monday , April 15 2024
Bongbong Marcos Along Malapitan

Sa ika-159 kaarawan ni Gat Andres
FM JR., PINASALAMATAN NI MAYOR MALAPITAN

NAGPASALAMAT kay Pangulong Ferdinand R. Marcos, Jr., si Mayor Dale Gonzalo “Along” Malapitan sa pagdalo sa paggunita sa ika-159 kaarawan ng bayaning si Gat Andres Bonifacio sa Caloocan City kahapon.

Anang alkalde, “isang karangalan ang pagbisita ng ating pangulong Ferdinand “Bongbong” Marcos, Jr., at mga kinatawan mula sa iba’t ibang ahensiya ng pamahalaang nasyonal, upang makiisa sa paggugunita ng ika-159 anibersayo ng kapanganakan ni Gat Andres Bonifacio, na isang dakilang bayaning nagbuklod sa mga Filipino.”

Ipinagmalaki ni Malapitan ang mahalagang papel ng lungsod sa pakikibaka ng mga rebolusyonaryong Filipino noong panahon nina Bonifacio bilang mga mga Katipunero.

Aniya, “makasaysayan ang ating lungsod dahil nagsilbi itong kanlungan ng ating mga kababayang lumaban upang makamit ang kalayaan, isa na rito si Gat Andres Bonifacio na tinaguriang Ama ng Himagsikan.”

Isa si Bonifacio sa mga bumuo ng Katipunan at nagsulong ng rebolusyon laban sa mga mananakop na dayuhan.

“Mapalad po tayo, dahil sa ating mga bayani, tinatamasa natin ang tamis ng Kalayaan,” pahayag ni Malapitan.

“Kaya naman ngayong makabagong panahon, tayo’y tumindig at pairalin ang kabayanihan sa ating kapwa tungo sa pagbuo ng mas maunlad na lungsod at bansa para sa mga susunod pang henerasyon,” mahigpit na tagubililn ni Malapitan sa mga kababayan.

Samantala, sa talumpati sa Bonifacio Monument sa Caloocan City, muling pinuri ni Marcos ang mga manggagawang pangkalusugan, mga migrante, mga sundalo, at mga pulis na kanyang tinawag na “modern-day” heroes.

“(I)pinapakita nila na ang bawat isa sa atin ay may angking kakayahan na makagawa ng kabutihan sa ating lipunan at pamayanan,” pahayag ng Pangulo.

“Ito ay isa sa mahahalagang pamanang iniwan ni Gat Andres sa atin — na ang bawat isa ay maaaring maging bayani sa ating sariling pamamaraan,” paalala ni FM Jr., sa sambayanan sa kanyang talumpati. (ROMMEL SALES)

About Rommel Sales

Check Also

COPA Swim Series Leg 3 RMSC Eric Buhain

COPA Swim Series Leg 3 sa RMSC

TULOY ang pagtuklas sa mga bagong talento sa isasagawang National Capital Region (NCR) One For …

Marilag Festival Sta Maria Laguna

Mula 11-14 Abril 2024
IKA-11 MARILAG FESTIVAL SA STA. MARIA, LAGUNA   INAASAHANG DARAYUHIN

TAMPOK ang iba’t ibang produktong agrikultural at iba pang by-products, sa pagdiriwang ng mga taga-Sta. …

Bulacan Police PNP

P240k ilegal na droga kompiskado; 11 pasaway arestado

INILUNSAD ng pulisya sa Bulacan ang pinaigting na operasyon na nagresulta sa pagkakompiska ng ilegal …

DANIEL FERNANDO Bulacan

National wealth tax para sa likas na tubig
MOTION FOR RECONSIDERATION INIHAIN SA SC NG BULACAN GOV

NAGHAIN ng Motion for Reconsideration si Bulacan Gov. Daniel Fernando sa Korte Suprema sa naging …

arrest posas

Nagtapon ng basura sa bawal na lugar
MISTER TIKLO SA DALANG SHABU

BINITBIT ng pulisya sa selda ang isang lalaki matapos mabisto ang dalang mahigit P29,000 halaga …