HATAW! D'yaryo ng Bayan hatawtabloid.com
MATABIL
ni John Fontanilla
SAKSI ang inyong lingkod sa dami at ‘di mabilang na taong nanood ng controverial movie na Maid In Malacanang na hatid ng Viva Films at pinagbibidahan nina Cristine Reyes, Ella Cruz, Diego Loyzaga, Kiko Estrada, at Cesar Montano.
Kasama rin dito sina Elizabeth Oropeza, Karla Estrada, at Beverly Salviejo with special participation nina Robin Padilla at Giselle Sanchez.
Sa tatlong beses na panonood ko nito sa Gateway, SM North, at SM Fairview ay punompuno ang halos lahat ng sinehan na palabas ang Maid In Malacanang at nasaksihan namin ang pag-iyak ng mga taong nanonood sa madamdaming eksena nina Cristine (Imee) at Cesar (Pres. Ferdinand Marcos) gayundin sa eksena nina Diego (Bongbong) at Cesar at nina Ella (Irene) at Macoy.
Napatawa naman ang mga tao sa mga eksena ng mga maid na sina Karla (Santa), Elizabeth (Lucy), at Beverly (Biday).
At pagkatapos ng pelikula ay nakakikilabot ang malakas na palakpakan mula sa mga taong nakapanood nito na ang iba ay nagsitayuan pa habang pumapalakpak, kaya naman congratulations sa ViVa Films, Direk Darryl Yap at sa cast and crew ng Maid In Malacanang.
