HATAW! D'yaryo ng Bayan hatawtabloid.com
PINAPAYAGAN ng pamunuan ng Metro Railways Transit (MRT-3) ang pagsakay ng mga domesticated animals gaya ng mga alagang hayop, aso o pusa sa mga tren ng MRT-3, sang-ayon sa mga panuntunan ng pamunuan ng rail line.
Ayon sa MRT 3, kinakailangang nakasuot ng diaper ang mga alagang hayop at nakalagay sa enclosed pet carrier na may sukat na hindi lalagpas sa 2 feet X 2 feet ang sukat.
Isang alagang hayop lamang kada pasahero ang maaaring isakay sa MRT-3.
Hindi rin maaaring pakainin ang hayop sa biyahe, at hindi ito dapat umukopa ng upuang nakalaan para sa ibang pasahero.
Kailangan punan ng pet owners ang isang waiver form na nagsasaad na walang pananagutan ang MRT-3 sa pagkawala o pinsala na dulot ng pagsakay ng alagang hayop sa mga tren. (GINA GARCIA)
