Wednesday , August 17 2022
dead gun police

Real estate broker, 1 pa binaril sa loob ng kotse, patay (Sa Bacolod)

ISANG real estate broker at isa pang lalaki ang binawian ng buhay matapos pagbabarilin ng hindi kilalang mga suspek sa loob ng sinasakyan nilang kotse sa Bacolod Real Estate Development Corp. (Bredco) port sa Brgy. 2, sa lungsod ng Bacolod, lalawigan ng Negros Occidental, nitong Martes, 1 Hunyo.
 
Kinilala ang mga biktimang sina Dexter Bryan Ursos, 41 anyos, real estate broker, residente sa Brgy. 4; at Fernando Mahipos, 39 anyos, residente sa Brgy. 14, pawang sa nabanggit na lungsod.
 
Ayon kay P/Capt. Paul Vincent Pendon, hepe ng Police Station 2, natagpuan ang mga labi ng mga biktima sa loob ng kulay silver na Mitsubishi Mirage, isang company car na minamaneho ni Ursos na inisyu sa kanya ng kompanya bilang real estate broker.
 
Bukod sa dalawang biktima, natagpuan rin sa tabi ng kotse ang isang 2-anyos bata na itinago ang pagkakakilanlan para sa kanyang kaligtasan.
 
Narekober ng pulisya mula sa sasakyan ang isang sachet ng hinihinalang shabu, drug paraphernalia, P4,000 pekeng pera, at ilang personal na gamit ng mga biktima.
 
Narekober din sa pinangyarihan ng insidente ang walong basyo ng bala, at isang depormadong basyo ng bala ng kalibre.45 at kalibre 9mm baril, at isang piraso ng bakal.
 
Ayon kay Pendon, wala pa silang lead sa mga pagkakakilanlan ng mga suspek at motibo sa likod ng insidente dahil wala pa rin lumilitaw na saksi hanggang sa kasalukuyan.
 
Sa kabila ng pagkakatagpo ng mga kontrabando sa loob ng sasakyan, hindi pa masabi kung may kaugnayan sa ilegal na droga ang insidente.
 
Dagdag ni Pendon, inaalam nila ang background ng mga biktima at ang bata ay nasa kustodiya na ng mga awtoridad.

About hataw tabloid

Check Also

Angelica Panganiban Camille Prats

Angelica inamin nagkaroon ng trauma ‘pag nadadagdagan ang timbang

MA at PAni Rommel Placente SA guesting ni Angelica Panganiban sa Youtube vlog ng kaibigan na si Camille Prats, ay …

Vico Sotto

MAYOR VICO PANG ‘SENIOR’ NA ANG TUHOD
Binawalan ng sobrang paglalakad

MA at PAni Rommel Placente SA pamamagitan ng kanyang Facebook account noong Sabado, August 13, ay ibinahagi …

Joel Villanueva Daniel Fernando Alexis Castro Bulacan

Sa ika-444 anibersaryo ng pagkatatag ng Bulacan
VILLANUEVA, FERNANDO, CASTRO NANGUNA SA SELEBRASYON AT PAGBIBIGAY-PUGAY 

PINANGUNAHAN ng Bulakenyong Senador at Senate Majority Leader Emmanuel “Joel” Villanueva, kasama sina Gobernador Daniel …

shabu

P.340-M droga kompiskado sa 5 miyembro ng criminal group

ARESTADO ang limang hinihinalang miyembro ng Randy Domingo Crime Group sa ikinasang buy bust operation …

earthquake lindol

5.5 magnitude na lindol yumanig sa Davao del Sur

NIYANIG ng magnitude 5.5 lindol ang lalawigan ng Davao del Sur nitong Lunes ng hapon, …

Leave a Reply