Sunday , February 25 2024

Ex-mayoral candidate sa Meycauayan patay sa pamamaril

PINAGBABARIL hanggang mamatay ang isang negosyante sa lungsod ng Meycauayan, sa lalawigan ng Bulacan, kamakalawa ng tanghali, 17 Agosto.

 

Sa ulat mula kay P/Lt. Col. Bernardo Pagaduan, hepe ng Meycauayan City Police Station (CPS), kinilala ang biktimang si Ryan Afable Cayanan, 45 anyos, tumakbo sa pagkaalkalde ng naturang lungsod noong 2019 ngunit hindi nagwagi.

 

Ayon sa imbestigasyon ng mga tauhan ng Meycauayan CPS, nagmamaneho si Cayanan ng motorsiklo sa McArthur Highway, sa bahagi ng Barangay Banga, sa naturang lungsod, nang pagbabarilin ng mga armadong kalalakihan dakong 12:30 pm.

 

Naisugod pa sa Meycauayan Doctors Hospital ang biktima ngunit binawian din ng buhay habang nilalapatan ng lunas dahil sa malulubhang tama ng bala sa katawan.

 

Sa patuloy na pag-iimbestiga ng pulisya, napag-alamang nakatatanggap ng pagbabanta sa kaniyang buhay si Cayanan.

 

Sa kaniyang social media post, nakasaad ang paghingi niya ng hustisya para sa isang Nikko Pulumbarit na pinatay din noong nakaraang linggo sa Barangay Malhacan, sa naturang lungsod.

 

Ito ang isang sinisilip na anggulo ng pulisya na posibleng motibo sa pagpatay sa biktima. (MICKA BAUTISTA)

About Micka Bautista

Check Also

Vape Smoke

Vape company ipinasasara ng Kamara

NANAWAGAN ang Kamara de Representantes sa Securities and Exchange Commission (SEC),  sa Department of Trade …

Valenzuela city magtatayo ng command center Nagbigay pa ng 2 swat van

Nagbigay pa ng 2 swat van
Valenzuela City magtatayo ng command center 

BILANG bahagi ng pagdiriwang ng ika-26th Charter Day ng Valenzuela, pinangunahan ni Mayor WES Gatchalian ang …

shabu drug arrest

2 tulak, nalambat sa buy-bust

DALAWANG tulak ng ilegal na droga ang nalambat makaraang kumagat ang mga ito sa isinagawang …

Kelot kinalawit sa pag-iingat ng baril 10 pa law violators dinakma

Kelot kinalawit sa pag-iingat ng baril; 10 pa law violators dinakma

ISANG lalaki na nag-iingat ng iligal at hindi lisensiyadong baril ang inaresto ng pulisya kabilang …

San Pedro Apostol Simbahan bumagsak

Balcony bumagsak habang pari at lay ministers nagpapahid ng abo sa noo ng mga deboto
80-ANYOS LOLA PATAY SA INAANAY NA PALAPAG NG SAN PEDRO APOSTOL

ni MICKA BAUTISTA at ng HATAW News TEAM HINDI nakaligtassa kamatayanang isang 80-anyos lolang deboto …

Leave a Reply

Your email address will not be published. Required fields are marked *