Grace Poe, nagpasalamat sa endoso nina Tito Sotto at Bro. Mike
HINDI magkamayaw ang mga taga-Bayambang, Pangasinan na gustong makamayan si Sen. Grace Poe nang muling magkampanya sa nasabing lalawigan ang senadora. Tubong Pangasinan ang ama ni Sen. Poe na si Fernando Poe Jr. o FPJ kaya naniniwala siyang tatangkilikin ng mga mamamayan ng nasabing lalawigan.
NAGPASALAMAT si Senadora Grace Poe sa kambal na endosong nakuha niya kay Senate President Vicente “Tito” Sotto III at kay El Shaddai leader Bro. Mariano “Mike” Velarde.
“Kung may isang tao akong kilalang hindi ako pababayaan, ‘yan ay si Senate President Sotto,” sabi ni Poe sa isang pahayag. “Para siyang tatay sa akin at naniniwala ako sa kanyang liderato.”
“Ang kanyang (pag)-endo(r)so ay nagpapasigla sa atin upang higit na magsikap at magtrabaho para sa ating mga kababayan,” dagdag ni Poe na tumatakbong independiyente. “Lubos akong nagpapasalamat.”
Nagpasalamat din si Poe na napabilang siya sa 14 na inendosong kandidato ng Catholic charismatic movement na El Shaddai na may tinatayang anim na milyong bloke ng botante.
