Friday , June 21 2024

Transparency giit ng MKP sa NGCP

NANAWAGAN ang Murang Kuryente Party­list (MKP) kahapon sa National Grid Cor­poration of the Philip­pines’ (NGCP) ng trans­parency sa kabiguan nitong ituloy ang initial public offering (IPO) na dapat nangyari sa unang bahagi ng taon.

Ayon kay MKP nominee at matagal nang energy advocate na si Gerry Arances, kadu­da-duda ang sinseridad ng NGCP upang maging transparent  at matu­pad ang tungkulin nito, lalo’t hindi pa nare­resolba ang artipisyal na power crisis sa Luzon.

“Sampung taon na simula noong nag-um­pisa ang kontrata nila, hindi pa rin sila naka­paghanda para sa IPO. Parang ayaw nila buk­san ang kanilang mga rekord sa publiko,” diin ni Arances.

Sa IPO, unang inia­alok ng isang kompanya na magbenta ng mga sapi nito na daraan sa mahig­pit na regulasyon at kailangang bukas ang operasyon sa publiko.

Nakasaad sa kontrata ng NGCP sa gobyerno ng Filipinas na kailangan pumasok sa IPO ang kompanya sa loob ng 10 taon sa pagbubukas nito noong 15 Enero 2009.

Ngunit imbes mag-alok ng IPO ay humingi ng palugit ang NGCP ng ekstensiyon sa Energy Regulatory Commission noong nakaraang 9 Abril 2019.

“Mga distributor at generation companies binabanatan natin dahil sa krisis ngayon, pero ‘yung NGCP hindi rin sumusunod sa kontrata,” ani Arances. “Bakit sila hindi rin natin pana­gutin?” Nangangamba si Arances na simpleng delaying tactic ang ginagawa ng NGCP para maiwasan ang pagta­tanong ng publiko.

Sa ilalim ng kanilang kontrata noong 2009, mandato ng NGCP sa pamamagitan ng IPO na magbenta ng 20 por­siyentong sapi o shares sa publiko.

Ikinatuwiran ng NGCP sa pagkabalam ng IPO nito ang kawalan ng pinal na kaayusan para mabatid ang presyo ng bawat sapi at ang mga problema nito sa National Trans­mission Corporation (TransCo) at sa Power Sector As­sets and Liabilities Manage­ment Corpo­ration (PSALM).

Hinihiling ng kom­panya na pagbigyan ito ng ERC hanggang 2010 para maiayos ang IPO.

Ang NGCP ay pri­badong kompanya na nakakuha ng 25-taong kontrata sa gobyerno para i-operate ang power transmission network sa bansa na dating kontro­lado ng TransCo.

“Dapat ‘ata ibalik na lang sa gobyerno ang serbisyo nila,” dagdag ni Arances. (HNT)

About hataw tabloid

Check Also

Samuel Pabonita Pasay Police

POGO sa Pasay, krimen walisin — Pasay cop

INAMIN ni Pasay City Chief of Police Col. Samuel Pabonita, malaking bagay para sa seguridad …

3,000 Caviteños Cayetano DSWD

3,000 Caviteños nagpasalamat sa suporta mula sa mag-utol na Cayetano at DSWD

PINAIGTING ng mga tanggapan nina Senador Alan Peter at Pia Cayetano ang kanilang pagbisita sa …

062124 Hataw Frontpage

Indigenous gas dev’t bedrock ng PH sa kinabukasan ng enerhiya — Prime Energy exec

TAHASANG sinabi ng isang executive officer ng Prime Energy Resources Development (Prime Energy) na hindi …

062124 Hataw Frontpage

2 medyas na puno ng dolyares nawalis sa NAIA3

HATAW News Team TINATAYANG P1.1 milyon ang halaga ng mga dolyares na nadiskubre sa dalawang …

shabu drug arrest

2 tulak huli sa Malabon, Vale buybust

DERETSO sa hoyo ang dalawang hinihinalang tulak ng ilegal na droga matapos matimbog sa magkahiwalay …

Leave a Reply

Your email address will not be published. Required fields are marked *