Sunday , February 25 2024

Punto ng speech ni Duterte, hindi nakukuha ng media—Goitia

Inilinaw ni PDP Laban Policy Studies Group head at Membership Committee National Capitol Region chairman Jose Antonio Goitia na muling nawala sa konteksto si Pangulong Rodrigo Duterte nang ikompara ang sarili at ang kanyang giyera kontra droga kay Hitler at sa pagpatay sa 6 milyong Hudyo sa panahon ng Holocaust.

Ani Goitia, ang makulay na lengguwahe ni Duterte ay laging nabibigyan ng ibang kahulugan ng media kaya nababalewala ang konteskto at hindi nakukuha ang kanyang punto.

“Madaling intindihin ang reaksiyon ng international media dahil sensitibo ang Holocaust issue sa mga European at Jewish community. Makaraan ang 70 taon, hindi pa rin nakarerekober ang Kanluran sa kalupitan ng Holocaust na anim na milyong inosenteng Hudyo ang ipinamasaker ni Hitler,” diin ni Goitia na pangulo rin ng PDP Laban San Juan City Council.

Nilinaw ni Goitia na dapat pakinggan nang buo ang sinabi ni Duterte para maintindihan ang kanyang reaksiyon sa pagkondena ng United States at European Union sa giyera kontra droga na nagmamalasakit lamang siya sa pambansang interes kaysa reputasyon niya sa pandaigdigang komunidad.

Humingi na si Duterte ng paumanhin sa mga Hudyo sa buong mundo at inilinaw na magkaiba ang kanyang giyera kontra droga laban sa mga kriminal at salot sa lipunan sa Holocaust ni Hitler na idine-tine ang 6 milyong inosenteng Hudyo sa concentration camp at minasaker sa gas chamber.

“Nilinaw ng Pangulo na ang problema sa droga ang sanhi ng korupsiyon ng mga halal na opisyal sa buong bansa na nakahawa rin sa puwersa ng pulisya kaya naging katatawanan ang ating sistema ng hustisya,” dagdag ni Goitia.

“Ang problema sa droga ang tunay na malaking banta sa lipunan kaya nananawagan siya sa pandaigdigang komunidad na hayaan siya sa kanyang trabaho na maprotektahan ang mga inosenteng Filipino na nagi-ging biktima ng kriminalidad sanhi ng ilegal na gamot,” ani Goitia.

About hataw tabloid

Check Also

Vape Smoke

Vape company ipinasasara ng Kamara

NANAWAGAN ang Kamara de Representantes sa Securities and Exchange Commission (SEC),  sa Department of Trade …

Valenzuela city magtatayo ng command center Nagbigay pa ng 2 swat van

Nagbigay pa ng 2 swat van
Valenzuela City magtatayo ng command center 

BILANG bahagi ng pagdiriwang ng ika-26th Charter Day ng Valenzuela, pinangunahan ni Mayor WES Gatchalian ang …

shabu drug arrest

2 tulak, nalambat sa buy-bust

DALAWANG tulak ng ilegal na droga ang nalambat makaraang kumagat ang mga ito sa isinagawang …

Kelot kinalawit sa pag-iingat ng baril 10 pa law violators dinakma

Kelot kinalawit sa pag-iingat ng baril; 10 pa law violators dinakma

ISANG lalaki na nag-iingat ng iligal at hindi lisensiyadong baril ang inaresto ng pulisya kabilang …

San Pedro Apostol Simbahan bumagsak

Balcony bumagsak habang pari at lay ministers nagpapahid ng abo sa noo ng mga deboto
80-ANYOS LOLA PATAY SA INAANAY NA PALAPAG NG SAN PEDRO APOSTOL

ni MICKA BAUTISTA at ng HATAW News TEAM HINDI nakaligtassa kamatayanang isang 80-anyos lolang deboto …

Leave a Reply

Your email address will not be published. Required fields are marked *