GENERAL SANTOS CITY – Aabot sa 134 pamilya ang sapilitang inilikas mula sa Brgy. Silway 8, Polomolok, South Cotabato makaraan ang patuloy na pag-ulan sa kanilang lugar na malapit sa sink hole.
Ayon sa Provincial Disaster Risk Reduction Management Council (PDRRMC), pinangangambahang mas lumawak pa ang butas sa lupa na may lawak na 40 metro at lalim na 35 feet lalo na’t 35 metro lamang ang layo nito mula sa mga kabahayan.
Patuloy rin anila ang paglalim ng naturang sink hole.
Kasalukuyan pang pinag-aaralan ng lokal na pamahalaan ng Polomolok ang nasabing malaking butas sa lupa.
