Friday , March 29 2024

Next Customs IEG chief ‘bata’ ng rice cartel, smuggler na si David Tan (Appointment nilalakad ng padrinong Senador at Presidential kin)

NASA pintuan lang ng Palasyo ang hinahanap na salarin sa paglobo ng presyo ng bigas bunsod ng artipisyal na krisis na nilikha ng rice cartel na protektado nito.

Kinompirma ito ng isang source na nagsabing, isang malapit kay Pangulong Benigno Aquino III ang nagkakanlong sa rice smuggling syndicate ni David “Bata” Tan at nagmamaniobra ngayon sa rigodon sa Bureau of Customs (BOC) upang maipuwesto bilang deputy commissioner for intelligence and enforcement  group.

Aniya, ito ang dahilan kaya naudlot ang paghirang kay retired Armed Forces of the Philippines (AFP) chief of Staff Gen. Jesse Dellosa bilang kapalit ng nagbitiw na si (ret.) Gen. Danilo Lim sa Customs.

Nais umano ng grupo na masungkit ng alipores nilang dating opisyal ng Food Terminal Inc. (FTI) noong administrasyong Arroyo ang ibinakanteng puwesto ni Lim dahil kabisado na niya ang pasikot-sikot sa pagpupuslit ng pagkain, lalo na ng bigas, para umarangkada nang husto ang rice smuggling operations nila.

Bukod kay Tan at malapit kay Pangulong Aquino, isang senador din ang nagsisilbing padrino ng ex-FTI official kaya bumitiw na siya sa kanyang tungkulin sa Office of Civil Defense (OCD) para paghandaan ang pag-upo sa Aduana.

Ang naturang senador umano ang tinutukoy ni Sen. Loren Legarda na nagpakana nang pagsisiwalat ng mga bahay ng senadora sa Makati City at US na hindi raw idineklara sa kanyang statement of assets, liabilities and net worth.

Kahit nakikipaggirian pa ang kanyang mga “ninong” sa Malakanyang para makapuwesto siya sa Customs ay bongga na ang naging pagdiriwang ng kaarawan ng nasabing opisyal kamakailan sa isang KTV bar sa Quezon City na pagmamay-ari ni Tan.

Hindi siya napabilang sa mga nagtapos sa Philippine Military Academy (PMA) Class ’87 pero kasali siya sa mga nagpayaman noong adminitrasyong Arroyo sa FTI, sa tulong ni Tan, kaya nakapagpundar ng mga kayamanan, kabilang ang koleksiyon ng mga bagong sasakyan, ilan dito ang bagong Toyota Land Cruiser at Mitsubishi Pajero.

Kapag naging 2nd highest BOC official siya, tiyak na lalong lalarga ang rice smuggling ni Tan at mapopondohan niya ang kandidatura ng senador sa 2016 elections. Kaya kahit tapos na ang termino ng administrasyong Aquino, tuloy ang ligaya ng rice cartel,” sabi pa ng source.

ni PERCY LAPID

About hataw tabloid

Check Also

Notoryus na wanted holdaper sa NCR, todas sa enkwentro sa Batangas!

Notoryus na wanted holdaper sa NCR, todas sa enkwentro sa Batangas!

NASAWI ang isang lalaki na tinaguriang kilabot na holdaper at akyat bahay na kabilang sa …

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Leave a Reply

Your email address will not be published. Required fields are marked *