Tuesday , July 29 2025

Jana Agoncillo, gustong sundan ang yapak ni Kim Chiu

080315 Kim Chiu Jana Agoncillo

00 Alam mo na NonieMARAMI na palang nasalihang TV series ang pinakabagong child star sa bakuran ng ABS CBN na si Jana Agoncillo. Bago naging bida sa Dream Dad kasama si Zanjoe Marudo at ngayon saTV series na Ningning, lumabas pala si Jana sa Honesto at Ikaw Lamang.

Siya ay nagsimulang umarte sa harap ng camera two years ago sa TV series na Honesto na pinagbidahan ni Raikko Mateo. Tapos ay gumanap siyang anak ni Kim Chiu sa star-studded na seryeng Ikaw Lamang na tinampukan din nina Coco Martin, Julia Montes, KC Concepcion, at iba pa.

Ang five year old na si Jana ay na-discover sa commercial ng isang fast food. Siya ang bibang bata na kumakanta roon kasama ang veteran actress na si Marita Zobel.

Sa Ningning, si Jana ay isang masayahing bata na puno ng pag-asa, pangarap, at pagmamahal para sa kanyang mga magulang na sina Lovely (Beauty Gonzales) at Dondon (Ketchup Eusebio).

Ano ang role niya rito? “Ako po rito si Ningning, isang bibong bata na hindi nawawalan ng pag-asa sa buhay… simple lang po ang buhay namin dito at nakatira kami sa napakagandang isla baybay,” esplika pa ng Kapamilya child star.

Sinabi pa ni Jana na sobra ang pasasalamat niya sa muling pagbibida niya sa bagong TV series ng Kapamilya Network. “Sobrang saya ko po kasi napili po ako ulit. Kaya lagi po akong nagpapasalamat at sabi po ni Mommy Peachy ko, manatili pa rin po akong simple at normal,” saad ni Jana.

Ayon pa kay Jana, marami siyang favorite na aktres mula sa ABS CBN. Kabilang daw dito sina Sarah Geronimo, Angelica Panganiban, Jodi Sta. Maria, Bea Alonzo, Anne Curtis, Kathryn Bernardo, at Kim Chiu. Pero kung sakali, gusto raw niyang sundan ang yapak ni Kim.

Bukod daw kasi sa lagi niyang napapanood at magaling ang aktres, nakasama daw niya kasi si Kim sa Ikaw Lamang.

Anyway, kasama rin nina Beauty, Ketchup, at Jana sa Ningning ang ilan sa hinahangaang artista sa industriya na sina Sylvia Sanchez, Vandolph Quizon, Nyoy Volante, Rommel Padilla, Mercedes Cabral, Pooh, at John Steven de Guzman. Tampok din sa seryeng ito sina Nonie Buencamino at Franco Daza.

Ang Ningning ay napapanood bago ang It’s Showtime sa Prime-Tanghali ng ABS-CBN. Para sa karagdagang impormasyon kaugnay ng TV series na ito, mag-log on lamang sa www.abs-cbn.com, o sundan ito sa Twitter.com/abscbndotcom.

ALAM MO NA! – Nonie V. Nicasio

Krystall Herbal Products and FGO Branches

About Nonie Nicasio

Check Also

Rhea Tan Piolo Pascual Rotary Club Balibago Beautéderm

Beautéderm family sa pangunguna ni Piolo, full support kay Ms. Rhea Tan bilang presidente ng Rotary Club ng Balibago

ALAM MO NA!ni Nonie Nicasio MAGARBO at star-studded ang 16th Induction and Turn-over Ceremonies para sa Beautéderm CEO and founder na si Rhea …

Ces Quesada Martin del Rosario

Ces Quesada ibinuking lovelife ng pamangking si Martin

RATED Rni Rommel Gonzales PAMANGKIN ng beteranang aktres na si Ces Quesada ang Kapuso hunk actor na …

Yen Santos

Yen sa bf na manipulative at controlling: blessing na nagising sa nightmare  

MA at PAni Rommel Placente TINANONG si Yen Santos sa kanyang kauna-unahang YouTube vlog tungkol sa   huling naging pakikipagrelasyon. Napahinto …

Jake Cuenca Maris Racal

Jake kinompitensiya si Maris, tumakbong naka-brief

MA at PAni Rommel Placente VIRAL ang eksena ni Jake Cuenca sa FPJ’s Batang Quiapo, na pinagbibidahan ni Coco …

Judy Ann Santos tinapay bread

Judy Ann natawa at naiyak sa nilutong tinapay

MATABILni John Fontanilla HINDI naiwasang matawa at maiyak ni Judy Ann Santos sa nilutong tinapay na focaccia …

Leave a Reply

Your email address will not be published. Required fields are marked *