HATAW! D'yaryo ng Bayan hatawtabloid.com
TIYAK na magkakagulo na naman ang KrisTek supporters sa balitang nagkita sina ex Mayor Herbert Bautista at Kris Aquino sa taping ng programang Lunch Out Loud ng TV5 na mapapanood sa Disyembre 9.
May taping si Kris para sa Shopee segment niya sa LOL at habang naghihintay ito sa dressing room ay dumating si Bistek.
Ayon sa nagpadala sa amin ng larawan ni HB na naka-military uniform pa ay dumaan siya sa studio para makita at kumustahin si Kris at base sa kuwento ay masaya ang Queen of Social Media nang makita ang komedyante.
May meeting si HB sa malapit sa Verjandel Hotel along Kalayaan Avenue, Quezon City na roon naka-billet si Kris.
Malapit ang hotel sa Quezon City Hall kaya madaling napuntahan ni Bistek ang kanyang close friend.
Anyway, nagpadala kami ng mensahe sa kampo ni Kris tungkol dito pero hindi kami sinagot.
Tungkol naman sa Puregold online show ni Kris, sa 2021 na ito matutuloy ayon sa aming source at hindi tungkol sa showbiz ang tema nito.
Inuna ang online show ni Boy Abunda na aabot hanggang Pebrero, 2021.
Sa kasalukuyan ay kaliwa’t kanan ang webisode shoot ni Kris para sa marami niyang product endorsements.
FACT SHEET
ni Reggee Bonoan
