HATAW! D'yaryo ng Bayan hatawtabloid.com
MAY ginawang libro bilang bahagi ng pagdiriwang ng 50th birthday ni Quezon City Mayor Herbert Bautista. Pinamagatang Bistek @ 50 Life In Color’ (The Herbert Bautista Biography), nagkaroon ng pagkakataon ang members ng entertainment media na masilayan ito sa regular na tsikahan niya with the press na laging sinasabi ni Mayor Herbert na ang way niya ng pasasalamat at pagtanaw ng utang na loob sa lahat ng press na nakatulong sa kanya mula pa noong simula ng kanyang acting career hanggang ngayong isa na siyang public servant.
Golden boy na nga si Mayor Bistek, pero single pa rin siya. Nang usisain namin kung ano ba ang bertud niya at habulin siya ng chicks? Tugon niya sa amin, “May bertud? Hahaha! Hindi, hindi naman ako hinahabol.”
Hindi rin daw siya takot sa commitment. “E, aabot din tayo roon…”
Wala ka bang pakakasalan pa? “Marami nga e, kaya hindi ako nagpapakasal,” pabirong saad ni Mayor Herbert, sabay banat ng tawa.
Nang matanong ukol sa estado ng relasyon nila ngayon ni Kris Aquino, ito ang tinuran niya: “It’s a special bond e, walang… hindi kayo mag-boyfriend-girlfriend, hindi rin kayo barkada lang, special, e. Kaya nga ang sinabi ko na mutual respect at mataas na uri ng pagkakaibigan.”
Pinasalamatan din ni Mayor Herbert si Kris, “Sabi ko nga, ‘Maraming, maraming salamat sa kanya.’ Dahil iyong panahon na ibinigay namin sa isa’t isa ay marami kaming natutuhan and naging moral booster siya sa akin, moral booster ako sa kanya and anchored iyon sa isang mutual respect,” aniya pa.
Ano ang reaction ni Mayor sa sinabi ni Kris na nagpapayat siya para sa kanya?
Nakatawang saad nito, “I love You Hater ba ito? Ano ba ang…”
Nang may nagsabi na i-support naman niya ang movie ni Kris, ito ang sinabi ni Mayor Bistek. “Supportive naman tayo e. Hindi ko nga alam bakit ako nagpo-promote, hindi naman ako kasama sa pelikula, e, hahaha!”
Kung imbitahan ka sa premiere night ng movie, manonood ka? “Manonood ako. ‘Yun ay kung invited ako ‘di, ba? Basta available ang schedule ko,” nakangiting tugon ni Mayor HB.
ALAM MO NA!
ni Nonie Nicasio
