HATAW! D'yaryo ng Bayan hatawtabloid.com
MAGPAPAKITA ng talento ang young singer na si Rayantha Leigh sa show na A World Class Night sa Music Box sa February 8. Isa si Rayantha sa tampok sa show na ito kasama sina Kikay at Mikay, Maricar Aragon, at iba pa.
Ano ang dapat asahan sa show na ito this coming Thursday?
Pahayag niya, “Iyong show sa Music Box sa February 8, kasama ako roon with Kikay Mikay, at iba pa. Kakanta po ako ng five songs. Thank you to Ms. Anne Venancio for including me in the show. Perfect po ang show para sa magde-date for Valentine’s day, lalo na’t ang kakantahin ko ay love songs.”
Bukod sa pagiging singer, nakatakda na rin niyang pasukin ang pag-arte sa pelikula via BG Productions. Pero saan ba niya gustong mag-focus talaga, sa singing or acting? “I would like to focus more on singing kasi roon ako nag-start talaga and I think I can do both, singing and acting at the same time,” wika ni Rayantha na kumuha rin ng acting workshop kamakailan kay Ogie Diaz.
Sinabi ni Rayantha na sobrang iniidolo niya si Moira dela Torre. “Ang isa pang I idolize right now is Moira Dela Torre. Not only because she is popular now, but I really admire her voice. She sings her songs with feelings and her voice is very relaxing po talaga.”
Ano ang masasabi mo sa tulong at suporta sa iyo ni Ms. Baby Go? “I’m really thankful na very supportive sa akin si Ms. Baby Go. So in return, I will support her also. Sobrang naa-appreciate ko talaga ‘yung tulong and support niya.”
Pahabol ni Rayantha, “Sobrang saya ko po and at the same time naninibago kasi I started as a singer, then ngayon pati pag-aartista na rin. Sa ngayon po kahit anong role po ay okay lang sa akin.
“Gusto kong makasama sana sa movie kung bibigyan ng chance sina Liza Soberano dahil I really idolize her. Pati na rin ang JaDine.”
Nabanggit din ng Mommy Lanie ni Rayantha ang pasasalamat sa fashion designer na si Rodell Salvador na gumawa ng magandang gown ni Rayantha sa naturang awards night at nang nag-guest sa Mister Continents Uni-ted sa SM Cherry Antipolo.
Kasali rin si Rayantha sa Hamaka Festival 2018 ng Taytay na ang main event ay Mayor’s Night sa February 18 at makakasama ni Rayantha rito ang X Battalion, Side A, Kyla, Mitoy, at si Ate Gay.
ALAM MO NA!
ni Nonie Nicasio
