Sylvia, wish na yumabong pa ang career nina Arjo at Ria

HINDI para sa kanyang sarili ang birthday wish ni Sylvia Sanchez sa kanyang kaarawan kundi para sa kanyang mga anak.

Hindi na raw para sa kanyang sarili ang wish ng very generous at napakabait na award winning actress na si Sanchez sa pagseselebra ng kanyang 45th birthday kundi para sa mga anak at pamilya. Lalong-lalo na kina Arjo at Ria na parehong nasa showbiz.

Wish nga ni Sanchez na mas yumabong pa ang showbiz career ng kanyang mga anak.

Bukod pa rito ang good health sa kanya at sa kanyang buong pamilya.

Wala na raw mahihiling pa si Sylvia sa pagkakaroon ng mapagmahal at very supportive husband na si Art Atayde at mababait na anak.

Kaya naman pasasalamat ang gusto nitong ibalik sa Poong Maykapal sa lahat-lahat ng magagandang bagay na nangyayari sa kanyang buhay.

At para naman sa kanyang career, magagandang proyekto at roles na hindi niya pa nagagawa ang wish niya.

MATABIL – John Fontanilla