HATAW! D'yaryo ng Bayan hatawtabloid.com
MA at PA
ni Rommel Placente
ANG Kapuso aktres na si Bianca Umali ang celebirty house guest sa Pinoy Big Brother Celebrity Collab Edition.
Sa confession room, noong ipinatawag ni Kuya si Bianca, isang bagay ang inamin ng aktres sa kanyang agenda sa pagpasok sa pinakasikat na bahay sa Pilipinas.
Sabi ni Bianca, “Sa totoo lang Kuya, may confession po ako sa inyo. Hindi po ako pumasok sa loob ng bahay para po sa sarili ko. Nandito po ako Kuya para sa mommy ko.
Aniya pa, isa ang PBB sa mga sinubaybayan ng kanyang ina noong nabubuhay pa.
“Ang mommy ko po, mula po Season 1, mahal na mahal po niya ang programa ninyo. Mahal po niya ang bahay ninyo,” pagpapatuloy ni Bianca.
Kasunod nito ay ang paglabas ng Kapuso actress ng larawan ng kanyang ina at ipinakita kay Kuya.
“Ito po ang Mommy ko, May po ang pangalan niya. I lost my mom when I was 5 to breast cancer. And, in the duration of her breast cancer journey, kayo po ang kaligayahan niya,” Bianca.
Dagdag pa niya, noong burol ng kanyang ina, ang ginamit na kanta para sa kanyang AVP ay ang theme song ng programa.
“Gusto ko rin po iparating sa inyo Kuya na noong wake po ng mommy ko, sa sobrang mahal po niya ‘yung show ninyo, at alam po ng mga tao ‘yun, ‘yung AVP po na ginawa po para sa memories niya, ang theme song po ay ‘yung theme song ninyo, ‘yung ‘Pinoy Ako.,’” kuwento pa ni Bianca.
