HATAW! D'yaryo ng Bayan hatawtabloid.com
MA at PA
ni Rommel Placente
SO, walang katotohanan ang mga kumakalat na chikang hiwalay na sina Julia Barretto at Gerald Anderson.
Base sa nakalap ng talent manager at vlogger na si Ogie Diaz, nananatiling magdyowa ang dalawa.
Kabilang kasi ang isyung hiwalayan nina Gerald at Julia sa pinag-usapan sa last episode ng Showbiz Update kasama sina Mama Loi at Tita Jegs.
Ayon kay Ogie, Isang source na nakakikilala sa dalawa ang nagsabing hindi totoo ang isyung hiwalay na sina Gerald at Julia.
Sabi ni Ogie, “Kasi ang alam ko riyan, sila pa rin. Ang alam ko ha. Kasi mayroon akong isang tineks. Sabi ko, ‘Sila pa ba?’ Sagot sa akin, ‘Mama, fake news ‘yan! Huwag kang maniwala. So sila pa rin.
“Si Gerald Anderson ay hindi pa rin ako sinasagot pero na-seen naman niya ‘yung message ko para rin malaman natin kung ano ba talaga ang totoo [sa relasyon nila ni Julia],” pagpapatuloy pa ni Ogie.
Pero hindi pa rin namamatay ang chikang wala na ang dalawa dahil marami sa mga netizen ang nakapansin na burado na ang mga larawan ng aktor sa IG feed ni Julia.
“Alam mo namang nagiging batayan ngayon ng netizens ang mga Instagram post,” sey pa ni Ogie.
