HATAW! D'yaryo ng Bayan hatawtabloid.com
MATABIL
ni John Fontanilla
INIWAN na ni Natasha Ledesma ang pagpapa-sexy mapa-pelikula man o telebisyon.
“Nagpapasalamat ako sa Diyos at sa mga taong nagtitiwala pa rin sa akin, kasi ‘yun nga ‘yung sinasabi natin na kung puro pagpapa-sexy lang ang alam mo lilipas din ‘yun.
” Bukas makalawa may mga bagong papasok sa pagpapa-sexy na mas bata at mas sariwa, pero kung may talent ka hindi ka rin basta mawawala.
“And sa edad ko ngayom pass na ako riyan. Gradweyt na ako riyan. I have may golden days.
“Ibigay na lang natin ‘yan sa mas bata at gustong gawing stepping stone ang pagpapa-sexy para makilala,” pagbabahagi ni Natasha.
Mas okey na kay Natasha na tumanggap ng proyekto na pang-nanay lalo na’t nanay na rin siya. Sa latest movie nitong Sa Aking Mga Anak ng DreamGo Productions, na iinirehe ni Jun Miguel, nanay ang role ni Natasha.
“Nanay po ako sa movie, ilan ba ang mga anak ko rito ? ang dami!
“Ako ‘yung nanay dito na maraming utang, lahat na lang inuutangan ko, so wala ng gustong magpa-utang sa akin.
“Tapos ‘yung lahat ng hindi magandang nagyari sa akin isinisisi ko sa Diyos.
“Hangang dumating sa point na ‘yung isa sa anak ko naging critical, so natuto ako magpakumbaba at lumapit ulit sa kanya (Diyos).
“Maramig matututunang aral sa movie, like ang nanay gagawin lahat para sa anak.
“’Yung akala mo kaya mo na lahat sa buhay mo. Sa totoo lang wala ka naman magagawa ‘pag ‘di ka sinamahan ng Diyos at wala ka ipagyayabang sa Kanya, dahil ang lahat ay utang mo rin sa kanya. So ‘yun ‘yung mga lesson sa movie, ” wika pa ni Natahas.
Bukod sa pelikulang sa Sa Aking Mga Anak ay regular din itong napapanood sa Binibining Marikit ng GMA.
“Regular ako sa ‘Binibining Marikit,’ anak ko rito si Ashley Rivera na bestfriend ni Herlene (Budol). Mataray ako roon pero parang bumabait-bait na ako, pinababait na ako ni direk,” sabi pa ni Natasha.
