Wednesday , June 12 2024
Lani Mercado Bong Revilla Jr

Kahalagahan ng kababaihan prayoridad ng mga Revilla

NARARAMDAMAN ni Cavite Representative Lani Mercado Revilla ang prayoridad ng kahalagahan at pagmamahal ng kanyang asawa na si Senador Ramon Revilla, Jr., sa mga kababaihan.

Ito ay matapos suportahan ni Senador Revilla ang 46th National Biennial Convention ng National Federation of Women’s Club of the Philippine, sa pamamagitan ng kongresista bilang kinatawan ng senador habang nagrerekober pa sa katatapos tenotomy o tendon surgical procedure.

Ayon kay Revilla pinatunayan ng kanyang asawa na pinahahalagahan nito ang karapatan ng bawat kababaihan at ang pagkapantay-pantay ng babae at lalaki.

Tinukoy ng kabiyak ng puso ng senador ang pagpapahintulot sa kanya ng senador na magkaroon ng trabaho bilang artista at pumasok sa politika para magsilbi sa kapwa at maglingkod sa bayan.

Sinabi ng kongresista, naniniwala ang kanyang asawang senador na kung kayang gawin ng lalaki ay kaya rin gawin ng kababaihan kung kaya’t hindi dapat minamaliit ang kanilang kakayahan at kaalaman.

Kaya ang mensahe ng mag-asawang Revilla sa mga kababaihan, ipagpatuloy ang women empowerment.

Kaugnay nito, tinukoy ng kongresista na ilan sa mga panukalang batas na isinusulong ng senador ay palawakin at patatagin pa ang batas ukol sa violence against women and children o pang-aabuso sa kababaihan at mga bata.

Partikular na ipinunto ni Revilla ang digital harassment na talamak sa kasalukuyang global digitalization.

Nagpapasalamat ang kongresista dahil mayroon siyang asawa na tulad ni Senador Revilla na  isang confident na lalaki at tunay na naniniwala sa kakayahan ng bawat kababaihan.

Nanawagan din ang kongresista na sana ay marami pang kalalakihan ang maging katulad ng senador na naniniwalang ang mga kababaihan ay kanilang katuwang sa lahat ng bagay.

Tiniyak ng kongresista, hindi titigilan ang kanilang pamilya na magsulong ng mga panukalang batas para sa dagdag na karapatan at proteksiyon ng mga kababaihan.

About hataw tabloid

Check Also

Migz Zubiri Pope Francis

Pope Francis binulungan si Migz: Protektahan ang pamilyang Filipino

“PINAKIUSAPAN ako ni Pope Francis to ‘protect the family,’ at isasapuso ko ang sinabi niyang …

Imelda Papin PCSO

Imelda Papin kompiyansang maraming matutulungan sa kanyang Isang Linggong Serbisyo

SHOWBIZ KONEKni Maricris Valdez Nicasio KAHAPON ang unang araw ng OPM icon at Jukebox Queen Imelda …

shabu drug arrest

Tulak timbog sa Navotas buybust ops

ARESTADO ang isang lalaki na sinabing sangkot sa pagtutulak ng ilegal na droga matapos kumagat …

Pastor Quiboloy

Warrant of arrest isinilbi vs Quiboloy, 5 iba pa

NAGTUNGO ang Philippine National Police-Criminal Investigation and Detection Group (PNP-CIDG) at Special Action Force (SAF) …

Bagong Pilipinas Hymn

Hymn at pledge ng Bagong Pilipinas pang-Executive lang — SP Escudero

TAHASANG sinabi ni Senate President Francis “Chiz” Escudero na hindi maaring ipilit sa senado, sa …