SHOWBIZ KONEK
ni Maricris Valdez Nicasio
ENGAGED na ang celebrity couple na sina Zanjoe Marudo at Ria Atayde.
Kahapon, kapwa ginulantang nina Zanjoe at Ria ang mga netizens nang i-post nila sa kanilang Instagram account ang ukol sa engagement.
“Forever sounds good,” caption ni Ria sa pictures nila ni Zanjoe.
At sinagot naman ito ng aktor ng, “And tastes even better.”
Ibinahagi naman ni Zanjoe sa kanyang Instagram stories ang sweet photo nila ng kanyang fiancée habang suot ng aktres ang kanilang engagement ring. May caption iyong, “Hi fiance.”
Maraming mga kaibigan ang bumati at nagpadala ng mensahe sa dalawa. Ini-repost naman ni Cong Arjo Atayde ang naturang post ng dalawa ukol sa balitang engagement.
Ilan sa mga naunang nagpadala ng mensahe at bumati sa dalawa ang mga kaibigang sina Janine Gutierrez, Angelica Panganiban, Gary Valenciano, Iya Villania.
“Yaaaay love you guys!” pagbati naman ni Maine Mendoza.
Inihayag ni Zanjoe ang ukol sa kanilang relashon ni Ria noong January, 2023 ito ay matapos ang ilang buwan nilang pagde-date.
