Friday , September 22 2023
bagyo

Bulacan handa kay Typhoon “Egay”

Iniutos ni Bulacan Governor Daniel R. Fernando ang suspensiyon sa lahat ng level ng klase sa mga paaralan at trabaho sa pampubliko at pribadong tanggapan sa lalawigan kahapon, Hulyo 24, dahil sa inaasahang malalakas na buhos ng ulan na dulot ng bagyong “Egay” at sa iniambang tatlong araw na tigil-pasada ng grupo ng mga jeepney drivers at operators.

Inilabas ni Fernando ang Memorandum DRF No.07232023-352na may petsang Hulyo 23, 2023, na nag-uutos sa lahat ng alkalde sa mga lungsod at munisipalidad, gayundin ang mga pampubliko at pribadong tanggapan na  pahintulutang magsagawa ng mga hakbang sa pag-iingat at tiyakin ang kaligtasan ng mamamayan.

Subalit ang mga ahensiya o mga tanggapan na nagbibigay ng basic health services, disaster preparedness, calamity response, at ibang pangunahing tungkulin ay mananatiling operasyonal.

Nanawagan din ni Fernando, na siya ring chairman ng Bulacan Provincial Disaster Risk Reduction and Management Council, para sa koordinasyon ng mga local government unit sa lalawigan, kabilang ang Bureau of Fire Protection, Philippine National Police, Philippine Army, rescue teams at iba pang ahensiya ng gobyerno.

Sa ulat ng Pagasa, kahapon, alas-11:00 ng umaga, Hulyo 24,  ang Bulacan ay nasa Typhoon Cyclone Wind Signal (TCWS) #1, kabilang ang Metro Manila.

Hindi naman gaanong naramdaman sa Bulacan ang ipinanawagang 3-day Tigil Pasada ng Manibela laban sa PUV modernization program. (MICKA BAUTISTA)

About Micka Bautista

Check Also

DOST XII holds 3-day celebration for RSTW

DOST XII holds 3-day celebration for RSTW

THE Department of Science and Technology (DOST) Region XII celebrated for three days from Sept. …

My Plantito Kych Minemoto Michael Ver

My Plantito fan meet dinaluhan ng mga Pinoy BL community at iba pang tagapagtangkilik

NAGKAROON ng pagkakataon ang mga masugid na tagapanood ng kauna-unahang BL (Boy-Love) na serye ng …

Aiko Melendez Eddie Garcia

Aiko dapat nang ipasa ang ‘Eddie Garcia’ bill 

HINIMOK ni Quezon City Councilor Aiko Melendez ang Senado na ipasa ang tinatawag na “Eddie Garcia” bill, …

Domingo de Dolores Pakil, Laguna Sun Ring Rainbow

Sa Pakil, Laguna
IKA-235 PAGDIRIWANG NG DOMINGO DE DOLORES MGA DEBOTO GINULAT NG MALA-KORONANG SINAG NG ARAW

PINAG-ALAB ang pananampalataya ng mga deboto nang sila’y gulatin ng mala-koronang sinag ng araw na …

fire sunog bombero

International school sa QC, nasunog

SA kalagitnaan nang isinasagawang fire drill, biglang lumiyab ang apoy sa Starland International School (SIS) …