Wednesday , May 29 2024
Bulacan Police PNP

18 pasaway inihoyo sa Bulacan

SUNOD-SUNOD na naaresto ang 18 indibidwal na pawang may mga paglabag sa batas sa walang humpay na police operations sa lalawigan ng Bulacan hanggang nitong Miyerkoles ng umaga, 11 Enero.

Sa ulat kay P/Col. Relly Arnedo, OIC ng Bulacan PPO, unang inaresto ang pitong personalidad sa droga sa serye ng anti-illegal drug operations na ikinasa ng Station Drug Enforcement Unit (SDEU) ng mga himpilan ng Bulakan, Guiguinto, Pandi, Plaridel, San Ildefonso, at San Jose del Monte katuwang ang mga elemento ng SOU 3, PNP DEG.

Nasamsam sa mga operasyon ang kabuuang 24 pakete ng hinihinalang shabu, tatlong pakete ng tuyong dahon ng marijuana, coin purse, cigarette pack, at buy-bust money.

Dinala ang mga suspek at nakompiskang mga ebidensiya sa Bulacan Provincial Forensic Unit (PFU) para sa naaangkop na pagsusuri.

Samantala, nasakote ang pito kataong sangkot sa iba’t ibang insidente ng krimen na naganap sa mga bayan ng Angat, Balagtas, Doña Remedios Trinidad, at Marilao.

Dinakip ang apat sa mga suspek kaugnay ng kasong Qualified Theft; at tatlo sa mga kasong Frustrated Homicide, Theft, at paglabag sa  RA 7610 (Physical Abuse).

Gayondin, nasukol ang apat kataong pinaghahanap ng batas sa inilatag na manhunt operations ng tracker teams ng Guiguinto, San Rafael, at Pandi MPS katuwang ang 2nd Provincial Mobile Force Company (PMFC) para sa mga kasong paglabag sa Intellectual Property Code of the Philippines (The Copyright Law) at sa RA 11313 (The Safe Spaces Act).

Kasalukuyang nasa ilalim ng kustodiya ng kani-kanilang arresting unit/stations ang mga suspek para sa nararapat na disposisyon. (MICKA BAUTISTA)

About Micka Bautista

Check Also

SSS, Bocaue LGU lumagda sa MOA para sa social security coverage ng JO workers

SSS, Bocaue LGU lumagda sa MOA para sa social security coverage ng JO workers

IPINAHAYAG ng Social Security System (SSS) na mahigit 800 job order (JO) na manggagawa sa …

Sa Bulacan 3 TULAK, 1 PUGANTE NASAKOTE NG PNP

Sa Bulacan  
3 TULAK, 1 PUGANTE NASAKOTE NG PNP

Arestado ng Bulacan PNP ang tatlong nangangalakal ng droga at isang pugante sa isinagawang anti-crime …

Quezon Provincial Police Office Lucena

8 intel officer arestado sa palpak na drug raid

CAMP VICENTE LIM, LAGUNA — Walong intelligence officer ang inaresto ng kanilang mga kasamahan sa …

shabu drug arrest

 6 tulak ng droga, timbog sa buybust

BAGSAK sa kulungan ang anim na hinihinalang drug personalities matapos malambat ng pulisya sa magkakahiwalay …

Arrest Caloocan

Wanted sa kasong Murder
MISTER HOYO SA KANKALOO

ARESTADO ang isang mister na wanted sa kaso ng pagpatay sa isinagawang manhunt operation sa …