Thursday , March 30 2023
thief card

Sa paglulunsad ng SIM registration
MAG-INGAT SA GCASH SCAM

NAGBABALA si Senador Win Gatchalian sa mga gumagamit ng subscriber identification module o SIM, sa mobile phone o laptop, laban sa natuklasang GCash scam bago magsimula ang SIM registration na nakatakda sa 27 Disyembre.

Isiniwalat ni Gatchalian, ang isang mapanlinlang na email na galing sa “GCash Promotions” na nagpapayo sa mga nakatanggap na ang kanilang mga transaksiyon ay nagkaroon ng restrictions at upang maibalik ang features, sila ay kailangan mag-pre-register sa pamamagitan ng pag-click sa isang link. Maaaring makompromiso nito ang online security. Ang naturang mapanlinlang na email ay kinompirma ng GCash Team na isa ngang scam.

“Ipinaglaban natin ang pagsasabatas ng SIM registration sa nakalipas na maraming taon dahil gusto nating protektahan ang mga gumagamit ng SIM laban sa panloloko ng cyber criminals. Kailangan nating abisohan ang ating mga kababayan na mag-ingat nang husto laban sa mga sari-saring pambibiktima ng mga kawatan,” ani Gatchalian.

Simula 27 Disyembre ngayong taon, kailangang irehistro ng mga gumagamit ng SIM sa loob ng 180 araw o 6 buwan kung ayaw nilang ma-deactivate mula sa kani-kanilang service provider.

Bilang co-author ng Republic Act 11934, o ang SIM Registration Act, hinimok ni Gatchalian ang mga SIM users na irehistro ang kanilang mga SIM sa lalong madaling panahon. Binigyang-diin niyang ito ay magbibigay-daan sa mga awtoridad na subaybayan ang mga indibidwal na gustong magsamantala sa customers.

Sinabi ni Gatchalian, nasa panukalang batas ang mga probisyon na magtitiyak sa proteksiyon ng personal na impormasyon ng mga customer.

“Ang identity theft ay isa sa mga online scam na gusto nating pigilan kaugnay sa pagsasabatas ng SIM registration. Ang proseso para sa pagbubunyag ng personal na impormasyon ay isang mahigpit na proseso na nangangailangan ng isang court order,” dagdag nya.

Sinabi ni Gatchalian, kailangan tiyakin ng mga gumagamit ng SIM na sila ay magpaparehistro lamang sa pamamagitan ng isang secure na platform o website na ibinigay ng kani-kanilang mga service provider.

Ang proseso ng pagpaparehistro ay nangangailangan ng impormasyon, kabilang ang buong pangalan, petsa ng kapanganakan, kasarian, address, at valid government ID o mga katulad na dokumento na may larawan, habang ang mga business user ay dapat magbigay ng kanilang pangalan ng negosyo, address ng negosyo, at buong pangalan ng isang authorized signatory. (NIÑO ACLAN)

About Niño Aclan

Check Also

Jose Hidalgo Marlon Serna

RD Hidalgo binisita ang burol ng napaslang na hepe ng San Miguel MPS;
Reward para sa mga killers umabot na sa P1.7-M

Nagbigay ng kanyang huling paggalang si Police Regional Office 3 Director PBGeneral Jose S. Hidalgo …

iSCENE 2023 PAPI DOST

Are you ready for the biggest and the smartest 𝗜𝗻𝘁𝗲𝗿𝗻𝗮𝘁𝗶𝗼𝗻𝗮𝗹 𝗘𝘅𝗽𝗼𝘀𝗶𝘁𝗶𝗼𝗻 𝗶𝗻 𝘁𝗵𝗲 𝗣𝗵𝗶𝗹𝗶𝗽𝗽𝗶𝗻𝗲𝘀 this year?

Join us on March 23-25, 2023, in the first ever 𝗜𝗻𝘁𝗲𝗿𝗻𝗮𝘁𝗶𝗼𝗻𝗮𝗹 𝗦𝗺𝗮𝗿𝘁 𝗖𝗶𝘁𝘆 𝗘𝘅𝗽𝗼𝘀𝗶𝘁𝗶𝗼𝗻 𝗮𝗻𝗱 …

Mr Freeze Gerry Santos Ivy Ataya Joyce Selga

Mr Freeze BFF ng mga sikat sa showbiz

NAALIW kami kay Mr Gerry Santos aka Mr Freeze sa mediacon ng kanyang Negosyo Goals show sa AllTV na napapanood tuwing Linggo, 11:30 a.m.. Matatawag …

electricity meralco

Karapatan ng consumer mangingibabaw kontra prangkisa

IGINIIT ni Puwersa ng Bayaning Atleta partylist Rep. Margarita Nograles, ang kapakanan ng mga residente …

Bulacan Police PNP

Kampanya kontra krimen sa Bulacan
11 tulak, 2 wanted, 2 sugarol timbog

SUNOD-SUNOD na pinagdadampot ang 11 hinihinalang drug dealer, siyam na pinaghahanap ng batas, at dalawang …