PATAY ang isang lalaki habang nawawala ang kanyang kasama at asawa nang tangayin at malunod sa ilog sa bayan ng Mangaldan, lalawigan ng Pangasinan, nitong Sabado, 10 Disyembre.
Kinilala ng Pangasinan PPO ang mga biktimang si Romnick Macam, 29 anyos; at Rodrigo Bautista, 48 anyos, patuloy na nawawala, parehong mga residente sa Brgy. Macayug, sa naturang bayan.
Ayon sa nakasaksing si Joanne Quinto, dakong 6:20 pm kamakalawa, nakita niya ang dalawang lalaking halatang nakainom ng alak na tumatawid sa ilog ng Angalacan.
Nang nasa gitna na sila ng ilog, nalunod ang isa habang sinusubukang sagipin ang kanyang kasamang naunang malunod.
Nagawang mahanap ng mga miyembro ng search and rescue operation team mula sa Mangaldan PNP at Municipal Disaster Risk Reduction Management Office ang biktimang si Macam.
Agad dinala ng ambulansiya sa Rural Health Unit sa pinakamalapit na pagamutan ngunit idineklarang patay dakong 7:15 pm.
Samantala, patuloy na pinaghahanap ng mga search and rescue team ng PNP Mangaldan at MDRRM ang isa pang biktima.
