Saturday , February 4 2023
road accident

Magulang, pedestrian sugatan sa sumemplang na motorsiklo
SANGGOL NAGULUNGAN NG DUMP TRUCK, PATAY

PATAY ang isang 7-buwang gulang na sanggol nang magulungan ng isang dump truck habang sugatan ang kanyang mga magulang nang sumemplang ang sinasakyang motorsiklo matapos iwasan ang isang tumatawid na babae sa Sitio Pukatod, Brgy. Payao, sa bayan ng Binalbagan, lalawigan ng Negros Occidental, nitong Martes, 29 Nobyembre.

Binawian ng buhay ang sanggol na babae habang sugatan ang kanyang mga magulang na kinilalang sina Jose Jingo Gantes, 32 anyos, at Riza Mae Clair, 23 anyos, pawang mga residente sa Brgy. Bi-ao, sa naturang bayan.

Ayon kay P/Maj. Ellendie Rebusquillo, hepe ng Binalbagan MPS, nang magtangkang mag-overtake ng amang si Jose sa isang dump truck na may dalang mga tubo ay bigla niyang iniwasan si Annabelle Geocada na papatawid noon sa kalsada.

Ani Rebusquillo, natamaan din ng motorsiklo si Geocada kaya tuluyang nawalan ng kontrol si Jose sa minamanehong motorsiklo na natumba sa sidewalk.

Sugatan ang mag-asawa habang ang kanilang sanggol na anak ay nagulungan ng dump truck na agad namatay dahil sa pinsala sa kanyang ulo.

Samantala, pinalaya sa kustodiya ng pulisya ang driver ng dump truck matapos makipag-areglo nitong Miyerkoles, 30 Nobyembre.

About hataw tabloid

Check Also

Naty Castro

Bansag na ‘terorista’ ng ATC kay Doc Naty pinalagan

KINONDENA ni House Deputy Minority leader Rep. France Castro ng ACT Teachers party-list ang pagbabansag …

Rex Gatchalian DSWD

Rex Gatchalian bagong DSWD secretary

ITINALAGA ni Pangulong Ferdinand R. Marcos, Jr., si  Valenzuela City Rep. Rex Gatchalian (1st district) …

money thief

2 Australiana, ninakawan ng Nigerian sa QC condo

TINANGAY ng isang Nigerian ang US$39,000 ng dalawang Australiana na kaniyang katransaksiyon sa negosyo sa …

Luisa Silvestre bagong konsehal ng Marilao, Bulacan

Luisa Silvestre bagong konsehal ng Marilao, Bulacan

PINANGUNAHAN ni Gob. Daniel Fernando ang panunumpa sa tungkulin ng bagong konsehal ng pamahalaang bayan …

Bulacan Police PNP

8 tulak, 5 wanted inihoyo ng pulisya

MAGKAKASUNOD na naaresto ang walong hinihinalang mga notoryus na tulak ng ilegal na droga at …