Friday , April 19 2024
arrest, posas, fingerprints

Binatilyo, 6 iba pa nalambat sa drug bust

ARESTADO ang isang lalaking menor de edad at anim pang personalidad, sa ikinasang drug entrapment operation sa Brgy. Gaya-Gaya, lungsod ng San Jose del Monte, lalawigan ng Bulacan, nitong Linggo, 20 Nobyembre.

Sa ulat mula sa PDEA Bulacan Provincial Office, kinilala ang mga nadakip na suspek na sina Angelito Alfaro, 23 anyos; Roger Lopez, 22 anyos; Henry Jumadiao, alyas Potpot, 20 anyos; Raven Aboliso alyas Rain, 18 anyos, pawang mga residente sa naturang barangay; Jimboy Salidaga, 25 anyos, ng Brgy. San Roque, Navotas; Jandy Fernandez, alyas Trixy, 31 anyos, ng Brgy. Bagong Silang, Caloocan; at isang hindi pinangalanang 17-anyos lalaki.

Nakompiska mula sa mga suspek ang apat na selyadong pakete ng plastik ng hinihinalang shabu na may timbang na 15 gramo at tinatayang nagkakahalaga ng P102,000; isang selyadong pakete ng plastik ng hinihinalang marijuana na may timbang na limang gramo at tinatayang nagkakahalaga ng P750; sari-saring drug paraphernalia; at marked money.

Isinagawa ang operasyon ng magkasanib na mga operatiba ng PDEA Bulacan Provincial Office, PDEA-RSET at PDEA-RO-NCR.

Nakatakdang sampahan ang anim na suspek ng kasong paglabag sa RA 9165 o Comprehensive Dangerous Drugs Act of 2002, habang inendoso ang menor de edad sa lokal na tanggapan ng Social Welfare Development para sa assessment at evaluation. (MICKA BAUTISTA)

About Micka Bautista

Check Also

Bong Revilla, Jr

Revilla tuloy ang serbisyo-publiko sa kabila ng aksidente

“SALAMAT sa mga nag-aalala kung ano ang nangyari sa akin, pero nasa mabuti na akong …

Lobo Batangas

Sa Batangas 
PAGLAGANAP NG ILEGAL NA SUGAL SA LOBO IKINABAHALA NG BUSINESSMEN

LUBOS na nababahala ang grupo ng mga negosyanteng kinabibilangan ni Efren Ramirez sa isyu ng …

Bong Revilla Jr Maynilad sinkhole

Maynilad panagutin sa sinkhole — Revilla

“DAPAT managot ang Maynilad at kanilang mga kontraktor.”                Ito ang ipinahayag ni Sen. Ramon …

BUCAA Bulacan Daniel Fernando

Sa Liga ng Palarong Basketball ng BUCAA  
MAGLARO NANG MAY PUSO — GOV. DANIEL FERNANDO

“MAGLARO kayo nang may puso. Ipakita ninyo ang pagmamahal ninyo sa sports. Tandaan ninyo, ang …

shabu drug arrest

Sa Caloocan
PINTOR HULI SA P.1-M SHABU

IMBES pagpipinta ng bahay, pumasok sa ‘drug trade’ ang isang house painter pero ‘minalas’ na …