Wednesday , February 21 2024
Trucks Protest DPWH

Truck drivers, pahinante at operators sa Bulacan, tumigil na sa pagbiyahe…
PROTESTA SA HINDI PATAS NA IMLEMENTASYON NG ANTI-OVERLOADING LAW

Sabay-sabay na tumigil sa pagbiyahe ang nasa 6,000 miyembro ng Bulakan Truckers Group nitong Setyembre 23 bilang protesta sa anila ay hindi patas na implementasyon na ipinatutupad ng Department of Public Works and Highways (DPWH).

Sa gilid ng highway sa boundary ng Nueva Ecija at Bulacan ay nagtipon-tipon ang mga truck drivers, pahinante at operators na may kanya-kanyang hawak ng mga placards para iparating sa DPWH ang kanilang pagkadismaya sa hanapbuhay.

Anila, hindi na sila makabiyahe ng normal dahil sa walang humpay na paghuli ng DPWH sa mga truck nila na may kargang aggregates at buhangin dahil lagpas umano ang mga ito sa timbang na itinatakda ng batas ngunit tila namimili naman umano ang mga ito ng pagbabawalan.

Reklamo nila na hindi naman hinuhuli ang ibang malalaking truck na may kargang semento, bakal at iba pa o ang produktong pangkalakal.

Ayon sa Bulakan Truckers Association, tanging sila lamang ang pinahihirapan ng DPWH sa implementasyon ng R.A 8794 ngunit hindi hinuhuli ang iba pang hauler-trucks na may kargang bigas, gulay at iba pang produkto na nanggagaling ng Cagayan, Isabela, Nueva Viscaya at ilang lugar sa Nueva Ecija.

Panawagan ng Bulakan Truckers na makipag-pulong sa kanila ang DPWH upang pag-usapan ang win-win solution sa problemang ito dahil iniinda na ito ng mga truckers.

Ayon sa grupo, hindi makatarungan ang ginagawang pagbabawal ng DPWH na makabiyahe patungo ng Metro Manila ang mga trucks ng buhangin at bato na ang bigat ng karga ay 40 metric tons pataas.

Batay sa bagong polisiya ay 33 metric tons na bigat lamang at ibawas pa ang bigat ng dump truck kung kaya’t 13 metric tons na lang ang naikakargan buhangin o vibro sand at aggregates kada biyahe na hindi na anila paborable upang kumita kumpara sa mataas na presyo ng krudo.

Dahil dito ay napipilitan silang umiba ng ruta para makarating ng Metro Manila na dagdag 120km naman kada byahe.

Kayat ang dating nasa dalawa o tatlong byahe ng kanilang truck kada araw ay nakakaisang byahe na lang ngayon dahil sa haba ng dagdag kilometro sa ruta.

Dahil dito ay nagtataas na rin sila ng presyo ng buhangin at aggregates dahil sa dagdag gastusin sa hirap ng pagbyahe.

Bukod dito, tanging mga dump truck lamang ng buhangin at bato ang kanilang puntirya gayung mas mabigat pa aniya ang timbang ng mga haulers ng bigas, palay, gulay, prutas at iba pang produkto mula sa ilang bahagi ng Hilagang Luzon na dumadaan ng Nueva Ecija, Bulakan patungo ng Metro Manila.

Sa ngayon ay hindi pa matukoy ng grupo kung hanggang kailan sila titigil sa pagbiyahe hangga’t hindi nila nakaka-dayologo hinggil dito ang DPWH. (MICKA BAUTISTA)

About Micka Bautista

Check Also

San Pedro Apostol Simbahan bumagsak

Balcony bumagsak habang pari at lay ministers nagpapahid ng abo sa noo ng mga deboto
80-ANYOS LOLA PATAY SA INAANAY NA PALAPAG NG SAN PEDRO APOSTOL

ni MICKA BAUTISTA at ng HATAW News TEAM HINDI nakaligtassa kamatayanang isang 80-anyos lolang deboto …

Alan Peter Cayetano

Cayetano isinulong maayos na alert system para preparasyon sa banta ng kalamidad

BINIGYANG-DIIN  ni Senador Alan Peter Cayetano nitong Lunes ang kahalagahan ng pagkakaroon ng maayos na …

DENR Sec. Yulo-Loyzaga aprub sa SM-Gunn waste-to-energy partnership

PINURI kamakailan ni Department of Environment and Natural Resources (DENR) Secretary Toni Yulo-Loyzaga ang SM …

arrest posas

Rank 9 MWP arestado sa Valenzuela

SWAK sa loob ng rehas na bakal ang isang lalaki na wanted sa kasong frustrated …

Arrest Caloocan

Suspek sa droga dinakip
PARAK, SIBILYAN KINUYOG NG 8 KELOT  
2 barangay kagawad, Ex-O sabit

PINAGTULUNGAN bugbugin ng walong lalaking kinabibilangan ng dalawang kagawad ng barangay at executive officer (Ex-O) …