HATAW! D'yaryo ng Bayan hatawtabloid.com
DINAKIP ng mga awtoridad ang isang lalaking matagal nang nagtatago sa batas sa lungsod ng San Jose del Monte, lalawigan ng Bulacan, nitong Lunes, 12 Setyembre.
Dakong 12:45 am nang magkakatuwang ang mga elemento ng SOU 3, PNP DEG bilang lead unit at pinamumunuan ni P/Lt. Col. Heryl Bruno, mga tauhan ng San Jose del Monte CPS, Malolos CPS, 1st PMFC, PIU Bulacan PPO, CIDG PFU at RDEU, na isilbi ang warrant of arrest laban sa suspek na kinilalang si Leonardo Belagin, 50 anyos, sa kanyang pinagtataguan sa TC 4, Area G, Brgy. Citrus, sa nabanggit na lungsod.
Inaresto si Belagin sa bisa ng warrant of arrest sa kasong paglabag sa RA 9165 o Comprehensive Dangerous Drugs Act of 2002 na inilabas ni Presiding Julie P. Mercurio ng Malolos City RTC Branch 12, walang itinakdang piyansa.
Kasalukuyang nasa ilalim ng kustodiya ng San Jose del Monte CPS ang suspek para sa dokumentasyon at nararapat na disposisyon. (MICKA BAUTISTA)
