Wednesday , February 21 2024
Baha Calumpit Hagonoy Bulacan

Baha sa 2 bayan ng Bulacan dekada nang ‘di humuhupa

HINDI humuhupa, sa loob ng isang dekada, ang baha sa ilang komunidad sa mga barangay na nasasakupan ng mga bayan ng Calumpit at Hagonoy, sa lalawigan ng Bulacan.

Ilang bahagi ng komunidad ang mistula nang ‘ghost town’ dahil maraming mga bahay ang inabandona ng mga residente, habang ang iba ay piniling tiisin ang paninirahan sa ganitong sitwasyon dahil walang ibang mapupuntahan.

Ayon sa ilang residente, halos tatlong dekada na silang nagsasakrapisyo sa baha simula nang pumutok ang Mt. Pinatubo noong 1991.

Pinakamatinding apektado ng pagbaha ang Sitio Nabong sa Brgy. Meysulao, sa Calumpit na halos hindi na iniiwanan ng baha.

Ganito rin ang sitwasyon sa Brgy. Mercado, sa bayan ng Hagonoy na kaunting pag-ulan lamang ay binabaha na.

May mga residente sa lugar na hindi na matirhan ang unang palapag ng kanilang mga bahay dahil nakalubog sa baha kaya sa ikawalang palapag na sila namamalagi.

Tawirin man nila ang baha ay kinakailangang sumakay sila ng mga bangka upang makarating sa kabayanan at makabili ng mga kinakailangang gamit sa bahay.

Partikular na apektado ng pagbaha sa naturang mga bayan ang mga kabataang mag-aaral na halos hindi na nakapapasok sa paaralan sa takot na tawirin ang malalalim na baha.

Samantala, aminado si Gob. Daniel Fernando na hindi madali ang kinakaharap na problema ng kanilang lalawigan pagdating sa baha.

Ngunit aniya, hinahanapan at pinagtutulungan nila ng lokal na pamahalaan at ng pribadong sektor ang mga posibleng solusyon sa problemang ito.

Nitong nakaraang linggo, nagsagawa ng malawakang dredging operation ang pamahalaang panlalawigan sa waterways sa mga binabahang bayan sa lalawigan upang kahit paano ay maibsan ang pagbaha dito. (MICKA BAUTISTA)

About Micka Bautista

Check Also

San Pedro Apostol Simbahan bumagsak

Balcony bumagsak habang pari at lay ministers nagpapahid ng abo sa noo ng mga deboto
80-ANYOS LOLA PATAY SA INAANAY NA PALAPAG NG SAN PEDRO APOSTOL

ni MICKA BAUTISTA at ng HATAW News TEAM HINDI nakaligtassa kamatayanang isang 80-anyos lolang deboto …

Alan Peter Cayetano

Cayetano isinulong maayos na alert system para preparasyon sa banta ng kalamidad

BINIGYANG-DIIN  ni Senador Alan Peter Cayetano nitong Lunes ang kahalagahan ng pagkakaroon ng maayos na …

DENR Sec. Yulo-Loyzaga aprub sa SM-Gunn waste-to-energy partnership

PINURI kamakailan ni Department of Environment and Natural Resources (DENR) Secretary Toni Yulo-Loyzaga ang SM …

arrest posas

Rank 9 MWP arestado sa Valenzuela

SWAK sa loob ng rehas na bakal ang isang lalaki na wanted sa kasong frustrated …

Arrest Caloocan

Suspek sa droga dinakip
PARAK, SIBILYAN KINUYOG NG 8 KELOT  
2 barangay kagawad, Ex-O sabit

PINAGTULUNGAN bugbugin ng walong lalaking kinabibilangan ng dalawang kagawad ng barangay at executive officer (Ex-O) …