Sunday , June 16 2024
Daniel Fernando Maria Esperanza Christina Frasco Singkaban Festival Bulacan

Makulay na pagdiriwang ng Singkaban Festival sa Bulacan nagsimula na

MULING napuno ng sigla, kulay, at saya ang bakuran ng Pamahalaang Panlalawigan ng Bulacan sa pagbalik ng normal na face-to-face na pagdiriwang ng Singkaban Festival 2022 nitong Huwebes, 8 Setyembre, dakong 8:00 ng umaga sa harap ng gusali ng Kapitolyo, sa lungsod ng Malolos, matapos ang dalawang taon na pagdaraos nito online.

Pinangunahan ni Department of Tourism Secretary Maria Esperanza Christina Frasco ang libu-libong Bulakenyo sa pangunguna ni Gob. Daniel Fernando sa pagbubukas ng engrandeng pagdiriwang ng mayamang sining at kasaysayan ng lalawigan.

Inanyayahan ni Fernando ang lahat ng Bulakenyo maging ang mga lokal at dayuhang turista na pumunta at saksihan ang isang linggong pagdiriwang ng “Mother of All Fiestas” sa Bulacan, ang Singkaban Festival 2022 na may temang, “Patuloy na Pagsikhay Tungo sa Tagumpay”.

“Isang linggong pagdiriwang na sesentro sa mayamang sining at kultura ng 21 bayan at tatlong lungsod ng lalawigan ang ating ipapamalas sa ating Singkaban Festival ngayong taon. Ngunit bukod dito, atin ring ipagbubunyi ang matatag na kaugalian ng ating lahi na maging sa pandemya ay hindi nagpagapi,” anang gobernador.

Matapos ang grand opening, pinanood nina Frasco, Fernando, at iba pang lokal na opisyal at mga bisita ang pagpasok ng mga kalahok sa “Parada ng Karosa” na nagpakita ng kanilang mga produkto, serbisyo,  tradisyon, sining, at tourist destination  sa kanilang lokalidad.

Bukod rito, itinampok ang mga costume na naglalarawan sa mga Bulakenyong bayani, makabayan, pambansang alagad ng sining, at personalidad sa Robinsons Place Malolos na nagsimula kahapon at tatagal hanggang sa susunod na Huwebes, 15 Setyembre, sa programang “Bulacan Festival Costume Expo”.

Gayundin, nagbukas ang ikaapat na One-Man Art Exhibition ni Andrew Alto De Guzman na pinamagatang “HomAge: 30 Years of Art” sa kaparehong araw hanggang 30 Setyembre sa Guillermo E. Tolentino Hall, Hiyas Museum.

Hinarana din ng Hiyas ng Bulacan Brass Band ang mga bisita at manunuod ng kanilang musika at pagtatanghal sa “Konsierto ng Hiyas ng Bulacan” sa Bulacan Capitol Mini Forest.

Sa huli, itinanghal ng mga kalahok sa “Singkaban ng Bayan: Arc Making Competition” ang kanilang mga lahok sa harapan ng gusali ng kani-kanilang municipal o city hall mula 8 hanggang 15 Setyembre. (MICKA BAUTISTA)

About Micka Bautista

Check Also

DOST 1 opens ‘smart and sustainable’ workshop in Laoag City

DOST 1 opens ‘smart and sustainable’ workshop in Laoag City

THE Participatory Planning and Road Map Development Workshop towards a Smart and Sustainable City of Laoag kicked off …

Las Piñas LGU may bagong environmental at health vehicles

Las Piñas LGU may bagong environmental at health vehicles

PINABASBASAN ng pamahalaang lungsod ng Las Piñas ang nakuhang mga bagong sasakyang pangkalikasan at pangkalusugan …

10,000 trabaho handog ng pasay LGU sa Kalayaan Job Fair

10,000 trabaho handog ng pasay LGU sa Kalayaan Job Fair

ISANG mega job fair ang inihandog ng lokal na pamahalaan ng lungsod ng Pasay kahapon …

Chavit Singson

Chavit Singson mamimigay ng P7-M sa kanyang kaarawan

MAMAMAHAGI si dating governor Luis “Chavit” Singson ng saya at kabutihang-loob sa pagdiriwang ng kanyang kaarawan ngayong taon. …

Sam Verzosa Yul Servo

VM Yul at Rep Sam magsasalpukan sa pagka-Manila mayor 

I-FLEXni Jun Nardo NAGPAPARAMDAM na ang bofriend ni Rhian Ramos na si partylist representative Sam Versoza sa ilang barangay …