DAHIL sa walang tigil na pag-ulan, nagpakawala ng 226 cubic meters ng tubig kada segundo ang Bustos Dam, sa bayan ng Bustos, sa lalawigan ng Bulacan nitong Linggo, 7 Agosto.
Ipinahayag ng pamunuan ng dam, ang plano nilang magpawala pa ng maraming tubig kung magpapatuloy ang pagbuhos ng ulan.
Ayon sa ulat, ang spilling level ng Bustos ay nasa 17.20 metro ngunit hanggang noong Sabado, 6 Agosto, umabot ang water level nito sa 17.40 metro above sea level.
Kaugnay nito, nagpaalala ang mga awtoridad sa mga residenteng nakatira malapit sa dam na ihanda ang mga sarili sa biglaang pagtaas ng tubig-baha.
Dagdag ng mga awtoridad, ang volume ng pakakawalang tubig sa dam ay depende sa rami ng ibubuhos na ulan sa lugar. (MICKA BAUTISTA)