AABOT sa mahigit sa P3 milyon (P3,808,000) halaga ng hinihinalang ilegal na droga (shabu) ang nakompiska ng mga awtoridad nang mahuli ang walong tulak sa magkakahiwalay na buy bust operations sa Parañaque City kamakalawa.
Kinilala ni P/BGen. Jimili Macaraeg, District Director ng Southern Police District (SPD) ang mga suspek na sina Joshua Christopher Buenconsejo, 26 anyos, residente sa Road 7, Pildera II, NAIA, Brgy. 193, Pasay City; at Cyrel Lopez, 27, residente rin sa nabanggit na lugar.
Base sa report, 2:00 pm kamakalawa nang mahuli ang mga suspek sa isinagawang buy bust operation ng mga tauhan ng Parañaque City Police sa Room A7, Block 2, Narra St., Veraville, Barangay San Isidro.
Matapos makatanggap ng impormasyon ang mga pulis hinggil sa pagbebenta ng ipinagbabawal na gamot ng mga suspek agad nagkasa ng operasyon.
Nakompiska mula sa mga suspek ang nasa 500 gramo ng pinaniniwalaang shabu na nagkakahalaga ng P3,400,000.
Kasalukuyang nakapiit ang mga nadakip na suspek. (GINA GARCIA)
