Saturday , June 15 2024
KICKBOXING

Hanoi  SEA Games
PH KICKBOXING NAKASISIGURO NG  8 MEDALYA

NAKASISIGURO ang kickboxing ng Pilipinas na mapapanatili nila ang overall title  nang makatiyak  ang walong atleta  sa medalya sa 31st Southeast Asian Games sa Martes sa Bac Ninh provincial gymnasium.

Si Zephania Ngaya ay nag-bye para sa paniguradong silver medal sa women’s 65 kgs class of full contact.   Haharapin niya ang mananalo sa pagitan nina Huyinh Thi Aikvee ng host Vietnam at Jessie Yothawan ng Thailand para sa final set sa Biyernes.

Apat pang Filipina kickboxers ang sigurado sa bronze pagkaraang makakuha sila ng byes.

Si Renalyn Dacquel ay puwedeng makasungkit ng bronze medal kung tatalunin niya si Boonpeng Kanwara sa women’s full contact -48 kgs class fight na itinakda sa Martes.

Haharapin ni Gretel De Paz kanino man kina Le Thi Nhi ng Vietnam o Pieter Friandra Ariesta ng Indonesia para sa gold medal round ng -56 kg sa women’s full contact  sa Miyerkules.

Makakasagupa ni Claudine Veloso si Vietnamese Bui Hai Linh sa semifinals ng 52 kgs women’s low kick class, at si  Gina Iniong ay makakaharap si Malaysian Radzuan Hayatun Nahijin sa semifinals ng 60 kg women’s low kick event. 

Inaasahan ng Samahang Kickboxing ng Pilipinas na pinamumunuan ni President Francis “Tol” Tolentino na ang pitong bronze  at isang silver ay magiging  gold medals sa final day ng kickboxing.

Si dating wushu champion Jean Claude Saclag ay nakakasiguro na sa bronze medal nang talunin niya si Saouliyavong Latxasak ng Laos nung Linggo via 3-0.

Sina Honorio Banario at Emmanuel Cantores ay nakasama ni Saclag na potensiyal na makakasungkit ng ginto nang dispatsahin nila ang kani-kanilang kalaban nung Lunes.

Umiskor si Banario ng 3-0 win laban kay Indonesisan Tanoi Yermias Yohanes sa quarterfinals  sa male low kick -71 kg class at tinalo naman ni Cantores si Malaysian Ain Kmarrudin, 3-0 sa quarterfinals phase ng low kick -60 division para umabante sa semifinals stage.

Yumuko naman si Daryl Chulipas kay Indonesia’s Salmri Stendra, 0-3, sa men’s full contact 51 kg quarterfinals.

About hataw tabloid

Check Also

Elma Muros-Posadas TOPS PATAFA

Elma Muros-Posadas pinuna ang ‘bata-bata’ system sa PATAFA

HINILING ni athletics icon Elma Muros-Posadas sa pamunuan ng Philippine Amateur Track and Field Association …

Langoy Pilipinas, arangkada sa MSC sa Hunyo 16

Langoy Pilipinas, arangkada sa MSC sa Hunyo 16

Kasado na ang “Langoy Pilipinas’ Age-Group Swimming Championship sa Hunyo 16 sa Marikina Sports Complex …

Tolentino ROTC Games

Mga atletang kadete ng Philippine Army una sa Visayas Leg ng ROTC Games 2024

NANGUNA ang mga atletang kadete mula sa Philippine Army sa Visayas qualifying leg ng Philippine …

Jirah Floravie Cutiyog Chess

Jirah Floravie Cutiyog nagreyna sa 2024 National Age Group Chess Championships U-16 Girls Elimination FIDE Standard tilt

Dumaguete City — Nagkampeon si Jirah Floravie Cutiyog sa 2024 National Age Group Chess Championships …

Michael Concio Jr Chess

IM Concio, Jr., nagkampeon sa 64th San Carlos Charter Day Open Rapid Chess Tournament

SAN CARLOS CITY — Nagwagi si International Master (IM) Michael Concio, Jr., sa 64th San …