Wednesday , October 20 2021

500 Marinong Pinoy binakunahan sa BGC

SUMALANG ang panibagong batch ng mga marinong Filipino sa vaccination centers sa loob ng Bonifacio Global City sa lungsod ng Taguig kahapon ng hapon.
 
Dakong 4:00 pm ay itinuloy ng Taguig city government ang pagtuturok ng bakuna sa panibagong batch na 500 marinong Filipino, na kabilang sa priority list ng gobyerno sa vaccination program.
 
Sinabi ni Taguig City Mayor Lino Cayetano, bahagi ito ng pagkilala sa kabayanihan ng mga marino sa napakalaking kontribusyon sa ekonomiya ng bansa.
 
Dagdag ni Cayetano, ang mga marino ang nagdadala ng mga pangangailangan ng bawat bansa sa buong mundo tulad ng mga pagkain, gamot at mga kagamitan na kailangan ngayong panahon ng pandemya kung kaya’t kinikilala ng lokal na pamahalaan ng Taguig ang kanilang sakripisyo.
 
Nauna nang binakunahan noon nakaraang linggo ng lokal na pamahalaan ng Taguig ang 500 marino kaalinsabay ng pagdiriwang ng International Seafarers Day, na isinagawa sa Lakeshore Mega Vaccination Hub, Lower Bicutan sa nasabing lungsod.
 
Bukod kay Mayor Cayetano, dumalo sina Presidential Spokesperson Secretary Harry Roque, testing czar Secretary Vince Dizon, at Alan Tanjusay, spokesperson ng Associate Labor Union.
 
Inilinaw ni Secretary Roque, ang bakuna ay hindi gamot sa CoVid-19 kundi proteksiyon para labanan ang virus.
 
Kailangan pa rin ang pagsunod sa minimum public health standard kabilang ang pagsusuot ng facemask at face shield, social distancing, at hugas kamay.
 
Inihayag ni Mayor Cayetano, hanggang hatinggabi kada araw ang operasyon ng pagtuturok ng bakuna sa mga Taguigueño sa mga vaccination hub ng lungsod upang mas mapabilis at marami pa mabakunahan, para matiyak ang kanilang proteksiyon kontra CoVid-19. (JG)

About Jaja Garcia

Check Also

Krystall Herbal Oil, Krystall Nature Herbs, Insomnia

Insomnia ini-relax ng Krystall Herbal Oil at Nature Herbs

Dear Sis Fely Guy Ong, Tawagin n’yo na lang po akong Romeo, 46 years old, …

Cassy Legaspi, Beautederm, Rhea Tan

Rhea Tan thrilled kay Cassy Legaspi – She embodies the vibrancy of youthfulness

SHOWBIZ KONEKni Maricris Valdez Nicasio BAHAGI na ng lalo pang lumalaking pamilya ng Beautederm Corporation ang TV …

Krystall Herbal Oil ingrown

Pamamaga ng daliri sa paa dahil sa naiwang ingrown pinaimpis ng Krystall Herbal Oil

Dear Sis Fely Guy Ong,         Ako po si Myrna Estrata, 46 years old, isang …

Bayaning Tsuper, BTS, Cebu City PWDs

Handog ng Bayaning Tsuper (BTS): Libreng service vehicle para sa Cebu City PWDs

ILANG araw matapos maghain ng kanilang certificate of nomination and acceptance (CONA) para sa eleksiyon …

SM Supermalls, World Retail Awards, #AweSMLearning Phygital Campaign

SM Supermalls wins in the World Retail Awards via #AweSMLearning Phygital Campaign

FOR two consecutive years, SM Supermalls was named one of the winners in the prestigious …

Leave a Reply