Friday , March 29 2024

Tren sa Bulacan bibiyahe na sa Disyembre 2021

MAGSISIMULA ang unang biyahe ng mga tren ng North-South Commuter Railway o NSCR Project Phase 1 sa inisyal na ruta nito mula lungsod ng Malolos, lalawigan ng Bulacan hanggang lungsod ng Valenzuela sa Disyembre 2021.
 
Ipinahayag ito ni Transportation Secretary Arthur Tugade sa magkasunod na inspeksiyon sa kasalukuyang konstruksiyon ng Meycauayan Station at sa depot o magiging garahe ng mga tren na matatagpuan sa hangganan ng Brgy. Bangkal, lungsod ng Meycauayan at Malanday, lungsod ng Valenzuela.
 
Ipinaliwanag ni Transportation Undersecretary for Railways Timothy John Batan, dahil nasa Valenzuela ang depot, magmumula rito ang mga tren patungong Malolos at pabalik.
 
Ibig sabihin, magiging inisyal na biyahe ng tren ang paghinto sa mga estasyon ng Meycauayan, Marilao, Bocaue, Balagtas, Guiguinto, at sa Malolos.
 
Sisimulan ang paglalatag ng mga riles ng NSCR na at-grade o iyong nakababa sa lupa.
 
Tatakbo ito sa ilalim ng bagong tayong NLEX-North Harbor Link elevated expressway sa bahagi ng Valenzuela hanggang lungsod ng Caloocan at magiging elevated mula sa isang bahagi ng Caloocan hanggang sa Tutuban, sa lungsod ng Maynila.
 
Samantala, target sa taon 2022 na makatakbo ang mga tren ng NSCR Phase 1 sa kabuuang 38-kilometrong ruta mula sa Malolos hanggang sa Tutuban.
 
Sa kasalukuyan, naitayo ang mga poste sa daraanan ng NSCR Phase 1 sa lungsod ng Meycauayan habang ikakalso ang fabricated girders sa magiging Meycauayan station.
 
Naibaon na rin ang pundasyon ng magiging poste ng Marilao station at inihahanda na ang pagtawid ng elevated railway track sa Marilao-Meycauayan-Obando River System.
 
Sunod-sunod nang naitayo ang mga poste sa Bocaue, Balagtas at Guiguinto samantala nagkakahugis ang magiging Balagtas station at ang Malolos station.
 
Bilang paghahanda sa partial operability sa Disyembre 2021, idinagdag ni Tugade na nakatakda sa Setyembre 2021 ang installation ng Train Simulator bilang bahagi ng training ng magiging mga operator ng tren na magiging bahagi ng itinatayong Philippine Railways Institute. (MICKA BAUTISTA)

About Micka Bautista

Check Also

Bernard Kaibigan Palawan

Pamilyang Pinoy protektado sa Palawan ProtekTODO

BATAY sa datos ng Philippine Insurance Commission, nananatiling mababa sa 1.75 porsiyento ang bilang ng …

Krystall Herbal Oil

Peleges sa noo nabanat ng Krystal Herbal Oil

Back to BasicNATURE’S HEALINGni Fely Guy Ong Dear Sis Fely Guy Ong,          Magandang araw …

Moira dela Torre Jethro Cerezo

Moira marami ang ginulat: sexy at  parang tin-edyer

SHOWBIZ KONEKni Maricris Valdez Nicasio MARAMI ang nanibago at ginulat ni Moira dela Torre nang ipakikala ito …

KWF PNU UP DLSU

Lagdaan ng Kasunduan ng KWF, PNU-LSC, UP-Lingg, at DLSU-Filipino para sa idaraos na Pandaigdigang Kumperensiya sa Nanganganib na Wika

Idinaos ang lagdaan ng Memorandum ng Kasunduan ng Komisyon sa Wikang Filipino (KWF), Language Study …

80 NorMin Regional RDI Committee members meets for 2024 plans, initiative

80 NorMin Regional RDI Committee members meets for 2024 plans, initiative

Eighty committee members of the Regional Research, Development, and Innovation Committee (RRDIC) of Northern Mindanao …

Leave a Reply

Your email address will not be published. Required fields are marked *