Duterte dadalo sa Asean Summit sa Singapore

NAKATUON sa pagpa­palawak ng kaunlaran at seguridad ang 33rd ASEAN at Related Sum­mits sa Singapore na da­dalohan ni Pangulong Rodrigo Duterte at iba pang world leaders nga­yon.

Aalis ngayong 4:30 ng hapon sa Davao City si Pangulong Duterte upang dumalo at isulong ang mahahalagang usapin sa Filipinas sa ASEAN, na ang tema ngayong taon ay “A Resilient and Innovative ASEAN.”

Kabilang sa mga isyu ng bansa na nais ibahagi ng Pangulo sa summits ay infrastructure develop­ment sa ilalim ng Build, Build, Build, small and medium enterprises, disaster response, climate change, gayondin ang pagbaka sa terorismo at illegal drugs.

Inaasahan din ang pagdalo sa pulong nina Russian President Vla­dimir Putin at US Vice President Mike Pence.

Ayon sa Palasyo, po­sibleng mapag-usapan ang isyu sa West Philip­pine Sea at ang ulat na pagtatayo ng weather station ng China sa lugar.

Hindi pa kompirma­do ngunit may apat hanggang limang leader ang humiling ng pulong kay Pangulong Duterte.

Ang Thailand ang tatayong chairman ng ASEAN Summit sa taong 2019.

(ROSE NOVENARIO)