Saturday , April 26 2025

Cabagnot lider sa BPC derby

SORPRESANG nangunguna sa kasalukuyang PBA Commissioner’s Cup Best Player of the Conference Race si Alex Cabagnot ng San Miguel Beermen, ayon sa opisyal na datos na inilabas ng PBA kamakalawa.

Sa koponang tulad ng SMB na mayroong tulad ng 3-time MVP at Philippine Cup BPC na si JuneMar Fajardo, biglaang hawak ng tinaguriang “Crunchman” ang manibela sa pagtatapos ng eliminasyon matapos gabayan ang Beermen sa 9-2 kartada.

Nagrehistro si Cabagnot ng all-around performance na 15.1 puntos, 6.6 rebounds, 5.4 assists and 1.4 steals kada laro para sa ka-buuang 34.7 statistical points (SPs).

Sumegunda si Stanley Pringle ng Globalport Batang Pier sa kanyang 33.4 SP at tersera si Japeth Aguilar ng Ginebra sa 32.4 SPs. Kinompleto ni Fajardo (32.2 SPs) at Batang Pier Terrence Romeo (31.5 SPs) ang Top 5 na kandidato para sa pinakamataas  na parangal ng komperensiya.

Nakasabit sa Top 10 sina Jayson Castro ng TNT (31.3 SPs), Marcio Lassiter (31.2 SPs) at Chris Ross (30.9 SPs) ng San Miguel pa rin, LA Tenorio ng Ginebra (30.2 SPs) at Baser Amer ng Meralco (29.6 SPs).

Samantala, bagamat tatlong laro pa lamang nakasasalang para sa Star Hotshots ay nasa tuktok na agad ng Best Import derby si Ricardo Ratliffe sa likod ng kanyang halimaw na 65.7 SPs na binuno mula sa 34.7 puntos, 21.0 rebounds at 3.3 supalpal.

Ikalawa sa kanya ang nagbabalik na import na si Justin Brownlee ng Ginebra sa 53.5 SPs habang kinompleto nina Greg Smith (52.9 SPs) ng Blackwater, Jameel McKay (47.7 SPs) ng Phoenix at Cory Allen Jefferson (47.4.) ng Alaska ang Top 5.

ni John Bryan Ulanday

About John Bryan Ulanday

Check Also

Philippine water polo junior teams, bronze sa Kuala Lumpur, Malaysia

Philippine water polo junior teams, bronze sa Kuala Lumpur, Malaysia

UMUKIT ng kasaysayan ang Philippine water polo junior teams tampok ang bronze medal ng boys’ …

World Slasher Cup 2025, Muling Babandera sa Ikalawang Edisyon sa Big Dome

World Slasher Cup 2025, Muling Babandera sa Ikalawang Edisyon sa Big Dome

Ang ikalawang edisyon ng World Slasher Cup 2024 ay nakatakdang ganapin mula Mayo 21 hanggang …

Milo Summer Sports Clinics

Milo Summer Sports Clinics

Ang matagal nang isinasagawang MILO Summer Sports Clinics ay inilunsad ngayong taon sa pinakamalaking saklaw …

AVC Petro Gazz talo sa Kaoshsiung Taipower

AVC: Petro Gazz talo sa Kaoshsiung Taipower

NANAIG ang Kaoshiung Taipower ng Chinese, Taipei, 25-15, 25-16, 19-25, 25-20 kontra Petro Gazz Angels sa 2025 …

Taipower nagpasiklab sa pagbubukas ng AVC

Taipower nagpasiklab sa pagbubukas ng AVC

Mga Laro sa Lunes(Philsports Arena) 10 am – VTV Binh Dien Long An vs Baic …

Leave a Reply

Your email address will not be published. Required fields are marked *