Apo ni Pia Magalona, napagkamalang bunsong anak

ALIW ang kuwentong nakarating sa amin kahapon na dumalo si Pia Magalona sa KAB investiture program sa Xavier School sa Greenhills kasama ang pitong taong gulang na lalaki.

Nagkaroon ng kaunting malisya ang aming source na baka nag-asawa si Pia nang hindi nito ipinaalam at nagkaanak nga.

Naisip din namin na imposibleng nag-asawa o nanganak ulit si Pia dahil medyo may edad na siya para magbuntis at paano naman niya maitatago kung sakali, eh, lagi siyang visible bilang manager ng mga anak.

Iyon pala, apo ni Pia ang batang lalaki na kasama niya sa KAB Investiture kahapon at anak daw ni Unna na first born child niya bago sila ikinasal ng namayapang si Francis Magalona, sabi ng aming source.

Baka raw hindi nakitang kasama ni Pia si Unna o baka wala siya sa event kaya ang una ang kasama ng bagets sa nasabing event.

At least naklaro kaagad na apo ni Pia ang bagets at hindi bunsong kapatid nina Elmo, Maxene at iba pang anak.

FACT SHEET – Reggee Bonoan