Thursday , December 1 2022

Castro puwede nang maging MVP

081015 alapag castro
SA pagreretiro ni Jimmy Alapag noong Enero ay natuon ang pansin ng lahat kay Jayson Castro na siya niyang katuwang sa backcourt hindi lamang sa kampo ng Talk N Text kungdi sa Gilas Pilipinas.

Bilang Tropang Texters, makailang beses na ngang nagsalo para sa karangalan bilang Most Valuable Player of the Finals sina Alapag at Castro dahil sa kanilang kontribusyon sa tagumpay ng Talk N Text sa mga nakaraang conferences.

Pero siyempre, mas naparangalan si Alapag na napili minsan bilang Most Valuable Player ng liga.

Hindi kailanman naging MVP si Castro bagamat kabilang na siya ngayon sa 40 Greatest Players of the PBA tulad ni Alapag.

At siyempre, sa FIBA Asia men’s tournament na ginanap sa Pilipinas noong 2013, si Castro ang itinanghal na pinakamahusay na point guard.

So natural na si Castro ang magmana sa tronong binakante ni Alapag.

Pero teka, parang may nakalimutan ang lahat, e.

Nakalimutan nila na may ikatlong point guard pa ang Talk N Text at ito’y walang iba kungdi si Ryan Reyes. Nalimutan si Reyes dahil sa madalas siyang nasa injured list. Katunayan, noong nakaraang season ay marami siyang games na hindi nalaro.

Ab’y kung hindi injured si Reyes, malamang na hindi maramdaman ng Talk N Text ang pagreretiro ni Alapag.

Alalahanin natin na tulad ni Alapag, si Reyes ay isang dating Rookie of the Year awardee.

Kaya naman kung sakaling makababalik na sa active duty si Reyes sa 41st season ngPBA, malamang na hindi poproblemahin ng Tropang Texters ang point guard spot nila. Kaya naman nitong magtimon e.

At kung si Reyes ang magiging starting point guard, mas dadali ang trabaho ni Castro. Baka sakaling masundan na ni Castro ang yapak ni Alapag bilang MVP.

SPORTS SHOCKED – Sabrina Pascua

About Sabrina Pascua

Check Also

Maycydel Fajardo Chess

Sa Pozorrubio, Pangasinan
MAYCYDEL FAJARDO, SAMANTHA GLO REVITA, RICHARD DELA CRUZ, MAGKAPATID NA DIMARUCUT SASABAK CHESS TOURNAMENT

MANILA — Kompirmado na ang paglahok nina Maycydel Fajardo ng San Fabian, Pangasinan; Samantha Glo …

Daniel Quizon Chess

Filipino chess whiz naghari sa Asian Juniors blitz tournament

TAGAYTAY CITY — Kinapos si International Master Daniel Quizon sa rapid at standard chess ngunit …

Kim Yutangco Zafra Chess

PH bet Kim Yutangco Zafra naghari sa Estonia chess tourney

ni Marlon Bernardino MANILA — Pinagharian ni Filipino Kim Yutangco Zafra ang katatapos na Tallinna …

Rogelio Joey Antonio Jr Chess

Antonio tumapos sa ninth place

MANILA — Nakamit ni Filipino Grandmaster (GM) Rogelio “Joey” Antonio Jr., ang ninth place honors …

CHECKMATE ni Marlon Bernardino

Tagumpay sa grassroots program

CHECKMATEni NM Marlon Bernardino MATAGUMPAY na naganap ang Inter Cluster Chess Tournament sa Kalawaan Elementary …

Leave a Reply