HATAW! D'yaryo ng Bayan hatawtabloid.com
NAGSALITA na ang Supreme Court sa kasong isinampa laban sa presidential candidate na si Grace Poe.
Ibinasura ng Korte Suprema and desisyon ng Commission on Election na huwag payagang kumandidatong pangulo ang sanggol noon na napulot sa isang simbahan sa Iloilo.
Ang desisyon ng pinakamataas na hukuman ay malaking tagumpay kay Grace. Dahil tuluyan ng nawala ang pabigat na nakadagan sa kanyang balikat bukod dito lalong lalakas ang kanyang kandidatura dahil hindi na mag-aalala ang mga sumusuporta sa kanya na mababasura lamang ang kanilang mga boto sakaling siya ay ma-disqualify.
At dahil patuloy ang pangunguna niya sa lahat ng survey mas malamang na si Grace na nga ang susunod na pangulo ng bansa.
Ang inaasahan lang na pinakamahigpit niyang katunggali sa panguluhan ay sina Mayor Rodrigo Duterte at Vice President Jojo Binay.
Sa kanilang limang kandidatong pangulo mukhang mapapako na lamang sa number 4 si Mar Roxas. Ang botong nakukuha nina Poe at Duterte ay galing sa protest votes na sawang-sawa na sa kapalpakan ng administrasyon.
Ang pagiging hindi trapo ni Grace ang isa sa mga dahilan kung bakit marami ang nagkakagusto sa kanya dahil sawa na ang marami sa kasinungalingan ng mga traditional politician na hindi marunong tumupad sa pangako.
Marami ang umaasa na kung magiging pangulo si Grace ay mababago ang takbo ng kanilang miserableng buhay sa loob ng anim na taon.
Incidentally cute ang simpleng TV commercial nina Grace at ang kanyang ina, ang dating movie queen na si Susan Roces. At gaya ng mga sinasabi niya sa commercial, hindi dapat biguin ni Grace ang mga taong umaasa sa kanya kaya malamang ay hindi sila mabigo.
TALBOG – Roldan Castro
