HATAW! D'yaryo ng Bayan hatawtabloid.com
NAPANOOD namin ang one week episode ng Ang Panday sa SM Aura cinema.
The story started sa pagkabata ni Miguel (Richard Gutierrez). Sa first scene ay ipinakita ang paglusob ng mga kampon ni Lizardo (Christopher de Leon) sa mga mamamayan ng isang nayon na sa matinding takot ay tumakbo sa isang lumang simbahan. Mabait naman ang paring kumupkop sa kanila pansamantala.
Then, umapir si Ara Mina (ina ni Richard) at ipinakitang iniwan nito ang baby pang si Miguel sa tapat ng pintuan ng simbahan. Narinig ng matandang pari ang iyak ng sanggol at napagpasyahang ampunin ito.
Malupit na asawa ni Ara si John Regala, the reason why nagbalak siya at ang kanyang panganay na anak na tumakas kaya lang ay nahuli sila ni John. Nagbanta si John na papatayin ang anak kaya napilitan si Ara na lumayas. Lumaki ang anak na masama at binigyang buhay ito ni Carlos Agassi.
Ipinakita sa isang episode na nagkukuwento si Bodjie Pascua sa ilang kabataan about Panday. Nang mag-uwian na ang mga bata ay nagpunta si Miguel sa kanya. Roon niya nadiskubre na ito na ang hinihintay niyang panday.
Maganda ang production design ng obra maestra ni Carlo J. Caparas, halatang hindi tinipid. The viewers will have a glimpse of beautiful sceneries. Postcard-perfect ang mga lugar. Bongga ang special effects lalo na sa eksenang may parang meteor na biglang bumagsak sa sand dunes na naroroon si Miguel. Okay naman ang acting ni Richard bilang panday at physically perfect naman siya.
Magsisimula na Ang Panday sa Monday, February 29 sa TV5.
UNCUT – Alex Brosas
