HATAW! D'yaryo ng Bayan hatawtabloid.com
GALIT na galit ang AlDub fans sa Esquire magazine.
Hindi kasi nila nagustuhan ang pagkakasulat ng article about Maine Mendoza. Ang feeling nila ay nabastos ang dalaga pati na ang JoWaPao sa February issue ng nasabing magazine.
Nabasa namin sa isang website ang sinasabing kapalpakan sa write-up. Talagang ipinost kasi nito ang mga phrase na nakasisira raw kay Maine.
Una, hindi nila nagustuhan nang tawaging C-Lister si Alden Richards. Pangalawa, naloka sila kasi nasa cover din sina Jose Manalo, Wally Bayola, at Paolo Ballesteros (JoWaPao) pero wala namang article sa kanila.
Halos magwala ang AlDub sa pagkakasulat ng article kay Maine. It was written kasi na three hours late si Maine sa pictorial. Nanginginig pa raw ito during the photo at wala rin daw spark ang mga mata nito. Halatang pagod na pagod daw ito.
At pinalabas pang isnabera si Maine as the writer said nabigyan siya ng ”ample time to talk to everyone associated with Maine, except Maine herself.”
“eyes droopy and skin sagging” ang description kay Maine sa article.
Siyempre, bash ang inabot ng writer at pati ang magazine ay nadamay. Parang hindi raw magazine, parang tabloid daw ang atake sa article.
Actually, natuwa kami sa article kasi nagsabi talaga sila ng totoo. Masama bang sabihing three hours late si Maine kung ‘yon naman ang totoo? So, ang gusto pala ng AlDub ay palabasing professional si Maine kahit na late naman talaga ito?
Mukhan g nasanay sa kasinungalingan ang AlDub fans kaya hindi nila ma-take ang article which REEKS of reality. Bakit hindi sila marunong tumanggap ng katotohanan tungkol sa kanilang idol?
UNCUT – Alex Brosas
